ރާއްޖެ ހަތަރު ބަޔަށް ބަހާލާ، ޓޫރިޒަމް ބޭނުންތަކަށް ދޫކުރާ ބިންބިމުގެ ކުލި ކަނޑައަޅައިފި

ރާއްޖެ ހަތަރު ބަޔަކަށް ބަހާލާ، ޓޫރިސްޓު ރިޒޯޓާއި ޓޫރިސްޓު ހޮޓަލާއި ޔޮޓް މެރީނާ އާއި އިންޓަގްރޭޓެޑް ޓޫރިޒަމް ޕްރޮޖެކްޓުތަކަށް ތަރައްގީކުރުމަށް ކުއްޔަށް ދޭ ރަށްރަށާއި ބިންބިމުގެ އިތުރުން މީހުން ދިރިއުޅޭ ރަށްރަށުން ފަތުރުވެރިކަމުގެ ބޭނުމަށް ކުއްޔަށް ދޫކުރެވޭ ބިންބިމުގެ ކުލި ކަނޑައަޅައިފިއެވެ.

ފަތުރުވެރިކަމަށް ދޫކުރެވޭ ބިންބިމުގެ ކުލި ކަނޑައަޅާފައިވަނީ ދިވެހި ރާއްޖޭގެ ޓޫރަޒިމާބެހޭ ގާނޫނަށް އިސްލާހު ގެނައުމުގެ ބިލު ފާސްކުރެވިގެން ދިއުމާއި ގުޅިގެންނެވެ. މަޖިލީހުން ގެނައި އިސްލާހުތަކާއި އެކު މި ބިލު ފާސްކުރެވިގެންދިޔައީ 57 މެމްބަރުންގެ ވޯޓާއި އެކުއެވެ.

މި މާއްދާގައި ބަޔާންކުރާ ގޮތުގެ މަތިން ކުލި ދައްކަން ފަށާނީ އަންނަ އަހަރުގެ ޖެނުއަރީ 1 ން ފެށިގެންނެވެ.

ރާއްޖެ ހަތަރު ބަޔަކަށް ބަހާލާ، ޓޫރިސްޓު ރިޒޯޓާއި ޓޫރިސްޓު ހޮޓަލާއި ޔޮޓް މެރީނާ އާއި އިންޓަގްރޭޓެޑް ޓޫރިޒަމް ޕްރޮޖެކްޓުތަކަށް ތަރައްގީކުރުމަށް ކުއްޔަށް ދޭ ރަށްރަށާއި ބިންބިމުގެ އިތުރުން މީހުން ދިރިއުޅޭ ރަށްރަށުން ފަތުރުވެރިކަމުގެ ބޭނުމަށް ކުއްޔަށް ދޫކުރެވޭ ބިންބިމުގެ ކުލި ކަނޑައެޅުމަށްޓަކައި ފާސްކުރެވުނު މި އިސްލާހަކީ އަންނަ އަހަރު ދައުލަތަށް އާމްދަނީ އިތުރުކުރުމަށް މަގުފަހިކުރުމަށްޓަކައި މުހިއްމު އިސްލާހެކެވެ. އެގޮތުން މި ބިލަށް ގެނެވުނު އިސްލާހުތަކާއި ގުޅިގެން އަންނަ އަހަރު ދައުލަތަށް 385،500،000 ރުފިޔާ ދައުލަތަށް ލިބޭނެ ކަމަށް ބެލެވެއެވެ.