ޔާހޫއިން މިއަހަރު އެންމެ ގިނަމީހުން ސާރޗް ކޮށްފައިވަނީ ސުޝާންތް

ސރޗް އިންޖިން ޔާހޫ މެދުވެރިކޮށް މިއަހަރު އެންމެ ގިނަ މީހުން ސާރޗް ކޮށްފައިވަނީ ސުޝާންތް ސިންގް ރާޖްޕުތްގެ ނަންކަމަށް ރިޕޯޓްތައް ބުނެފިއެވެ.

މިއަހަރު ޖޫން މަހު މަރުވެފައި ހުއްޓާ ފެނުނު ބޮލީވުޑްގެ ތަރި ސުޝާންތް އެ ލިސްޓްގައި މިވަނީ ދުނިޔޭގެ އެންމެ ނުފޫޒުގަދަ ވެރިއެއްކަމަށްވާ އިންޑިއާގެ ބޮދު ވަޒީރު ނަރެންދްރަ މޯދީ އަށްވުރެ ވެސް ކުރީގައެވެ.

މި ލިސްޓްގެ ތިން ވަނައިގައި ވަނީ ސުޝާންތްގެ ލޯބިވެރިޔާ ކަމަށްބުނާ ރިޔާ ޗަކްރަބޯތީއެވެ.

ބޮލީވުޑް ތަރިންގެ ތެރެއިން މި ލިސްޓްގައި އަމީތާބް ބަޗަން (9 ވަނަ) ، ކަންގަނާ ރަނައުތް (10 ވަނަ) ، ދިޕިކާ ޕަޑުކޯން (12 ވަނަ) ، ސަނީ ލިއޯނީ (14 ވަނަ) ، ޕްރިޔަންކާ ޗޯޕްރާ (15 ވަނަ) އަދި ކެޓްރީނާ ކެއިފް (16 ވަނަ) ގައި ހިމެނިފައި ވެއެވެ.

މީގެ އިތުރުން ސުޝާންތް ވެގެންގޮސްފައިވަނީ މިއަހަރު އެންމެ ގިނަ މީހުން ސާރޗް ކުރި ފިރިހެން ސެލެބްރިޓީއަށެވެ. އަދި ރިއާ ވެގެން ގޮސްފައިވަނީ މިއަހަރު އެންމެ ގިނަ މީހުން ސާރޗް ކުރި އަންހެން ސެލެބްރިޓީއަށެވެ.

ސުޝާންތް މަރުވެފައި ހުއްޓާ ފެނިފައިވަނީ މިއަހަރުގެ ޖޫން މަހުގެ 14 ގައި މުމްބާއީގައި ހުންނަ އެނާ ދިރިއުޅޭ ގޭގައެވެ. އޭނާގެ މަރާއި ގުޅިގެން އެކި ގޮތްގޮތަށް ވަނީ އާދު ފެތިރިގެންގޮސްފައެވެ. އޭނާގެ މަރުގެ ތަހުހުޤީގު ގެ ތެރެއިން ރިއާވެސް ހައްޔަރު ކުރިއެވެ.