ކ. މާލެ
|
30 ނޮވެންބަރ 2020 | ހޯމަ 17:33
އޭޝިއާގެ މުބާރާތުން ރަން މެޑަލް ހޯދި މަރިޔަމް ލައިސާ އަބްދުލް ރަޝީދު
އޭޝިއާގެ މުބާރާތުން ރަން މެޑަލް ހޯދި މަރިޔަމް ލައިސާ އަބްދުލް ރަޝީދު
ޗެސް އެސޯސިއޭޝަން އޮފް މޯލްޑިވްސް
ރާޒުވާއިން ރަން މެޑަލް ހޯދުން
އޭޝިއާގެ ރާޒުވާ މުބާރާތަކުން ރާއްޖޭގެ ދެ ކުޅުންތެރިއަކު ރަން މެޑަލް ހޯދައިފި
 
މިއީ ބައިނަލްއަގުވާމީ މުބާރާތެއްގައި ރާޒުވާއިން ރާއްޖޭގެ ކުޅުންތެރިންތަކެއް ހޯދި ފުރަތަމަ ރަން މެޑަލް
 
ރަން މެޑަލް ހޯދީ އަންހެން ކެޓެގަރީން މަރިޔަމް މިޝްކާ މިގްދާދާއި މަރިޔަމް ލައިސާ އަބްދުލް ރަޝީދު

ސައުތު އޭޝިއަން ޗެސް ކައުންސިލުން އިންތިޒާމުކޮށްގެން ބޭއްވި "ސައުތު އޭޝިއަން ޗެސް ފެސްޓިވަލް ފޯ ކެޑޭޓްސް، ޔޫތު އެންޑް ޑިސޭބަލްޑް ޖޫނިއާސް 2020" އިން ރާއްޖޭގެ ދެ ކުޅުންތެރިއަކު ރަން މެޑަލް ހޯދައިފިއެވެ.

މި މުބާރާތުގައި ރާއްޖެއިން ބައިވެރިވީ ޖޫނިޔާ ކެޓެގަރީތައް ކަމުގައިވާ 10 އަހަރުން ދަށް އޯޕަން އަދި އަންހެން ކެޓަގަރީ، 12 އަހަރުން ދަށް އޯޕަން އަދި އަންހެން ކެޓަގަރީ، 14 އަހަރުން ދަށް އޯޕަން އަދި އަންހެން ކެޓަގަރީ، 16 އަހަރުން ދަށް އޯޕަން އަދި އަންހެން ކެޓަގަރީ އަދި 18 އަހަރުން ދަށުގެ އޯޕަން އަދި އަންހެން ކެޓަގަރީގައެވެ.

މި މުބާރާތުގެ އަންހެން ކެޓެގަރީން މަރިޔަމް މިޝްކާ މިގްދާދާއި މަރިޔަމް ލައިސާ އަބްދުލް ރަޝީދު ވަނީ ރަން މެޑަލް ހޯދާފައެވެ. މިއީ ބައިނަލްއަގުވާމީ މުބާރާތެއްގައި ރާޒުވާއިން ރާއްޖޭގެ ކުޅުންތެރިންތަކެއް ހޯދި ފުރަތަމަ ރަން މެޑަލްތަކެވެ.

ދެން މި މުބާރާތުގައި ވާދަކުރި އިކާން ވަލީދާއި ނުހާ ރިލްވާން ރިހި މެޑަލް ހޯދިއިރު، އައިޝަތް އިވާ ހަސަނާއި ކިޔާން މުޙައްމަދު އުސާމަތު ވަނީ ލޯ މެޑަލް ހޯދާފައެވެ. އަދި މުޅި މުބާރާތުގެ އެންމެ މޮޅު މެޗު ކުޅުނު ކުޅުންތެރިޔާގެ މަގާމު ނުހާ ރިލްވާން ވަނީ ހޯދާފައެވެ.

މި މަހުގެ 20 ވަނަ ދުވަހުން ފެށިގެން 23 ވަނަ ދުވަހުގެ ނިޔަލަށް އޮންލައިންކޮށް ކުރިއަށްދިޔަ މި މުބާރާތަކީ ސައުތު އޭޝިއާގެ ގައުމުތައް ކަމުގައިވާ އިންޑިއާ، ބަންގްލަދޭޝް، ސްރީލަންކާ އަދި ނޭޕާލް، ބޫޓާން، ޕާކިސްތާނުގެ އިތުރުން ދިވެހިރާއްޖެއަށް ހުޅުވާލައިންގެން ބޭއްވުނު އިންޓަނޭޝަނަލް ޗެސް ފެޑެރޭޝަނުގައިވެސް ރަޖިސްޓްރީވެގެން ބޭއްވި މުބާރާތެކެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: ހުސައިން ފަރިޔާޒް
7%
64%
4%
11%
0%
14%
ކޮމެންޓް
2 ޑިސެންބަރ 2020 | ބުދަ 08:09
އަހުމަދު....ޖ
އައްސަރިބަހާއި ސާބަސް،💕👏👏👏👏👏