ޒައިދުލް އަމީންގެ ޝަރީޢަތް ސިއްރުކޮށްފި
25 އެޕްރީލު 2017 | އަންގާރަ 11:40ޒައިދުގެ މައްޗަށް ތިން ދައުވާއެއް އުފުލާފަވޭ
ޒައިދުލް އަމީން ރައީސް މައުމޫން އަރިހުގައި
ފަނޑިޔާރަކު ބްލެކްމެއިލް ކުރިމަކުގެ ތުހުމަތުގައި ހައްޔަރުކޮށް މިހާރު ގޭ ބަންދުގައި ހުންނެވި މާލޭ ސިޓީކައުންސިލްގެ މެމްބަރު ޒައިދުލް އަމީނުގެ މައްޗަށް ތިން ދައުވާއެއް އުފުލައި އަންގާރަ ދުވަހު ތާވަލް ކުރި ޝަރީޢަތް ސިއްރުކޮށްފިއެވެ.
ކްރިމިނަލް ކޯޓުގެ އޮފިޝަލް ވިދާޅުވީ ޒައިދުލް އަމީންގެ ޝަރީޢަތް ކުރިއަށް ގެންދަން ނިންމާފައި އޮތީ ސިއްރު ކަމަށާއި އެއްވެސް ބަޔަކު ޝަރީޢަތް އެޑު އަޑުއެހުމަށް ނުވެއްދުމަށް ނިންމާފައިވާ ކަމށެވެ. ނަމަވެސް ސަބަބެއް ހާމައެއް ނުކުރެއެވެ.
ޒައިދުގެ މައްޗަށް ކުރަނީ ގާނޫނީ ބާރު ހިންގުމަށް ދަތިކުރުމަށް މަސައްކަތް ކުރުމާއި، ހުއްދަ ނޫން ގޮތުގައި މައުލޫމާތު ހޯދުމާއި ހުއްދަ ނޫން ގޮތުގައި މައުލޫމާތު ހާމަކުރުމަށް ]މަސައްކަތް ކުރުމުގެ ދައުވާއެވެ. ޒައިދު ހައްޔަރުކޮށްފައިވަނީ މި އަހަރުގެ ޖެނުއަރީ މަހުއެވެ. އޭގެ ފަހުން 16 ފަހަރު މުއްދަތު ޖެހުމަށް ފަހު ޒައިދު މިހާރު ހުންނެވީ ގޭ ބަންދަށް ބަދަލުކޮށްފައެވެ. ޒައިދަކީ ދެކަފިވެފައިވާ ޕީޕީއެމް ރައީސް މައުމޫނު ފެކްޝަނަށް ނިސްވަތްވާ ރައީސް މައުމޫނުގެ ސަޕޯޓަރެކެވެ.
