އިންފޮމޭޝަން ޓެކްނޮލޮޖީ ދާއިރާގެ ހާލަތު ދިރާސާކުރާ ކޮމިޓީ ބައްދަލުވުން ސިއްރުކޮށްފި
16 ނޮވެމްބަރު 2020 | ހޯމަ 09:46މިއީ އައިސީޓީ ދާއިރާގެ ހާލަތު ދެނެގަނެ އެސެސްމެންޓް އެއް ހެދުމަށް އެދި ހުށަހަޅާފައިވާ މައްސަލަ ދިރާސާކުރުމަށް އުފެއްދި ސަބް ކޮމިޓީއެއް
ގައުމީ ތަރައްގީއާއި ތަރިކައިގެ ކޮމިޓީއިން ހޮވި ސަބް ކޮމިޓީގެ ބައްދަލުވުމެއްގެ ތެރެއިން
އިންފޮމޭޝަން، ކޮމިއުނިކޭޝަން އެންޑް ޓެކްނޮލޮޖީ (އައިސީޓީ) ހާލަތު ދިރާސާކުރުމަށް ގައުމީ ތަރައްގީ އާއި ތަރިކައިގެ ކޮމިޓީން ހޮވި ސަބް ކޮމިޓީގެ ތިންވަނަ ބައްދަލުވުން ސިއްރުކޮށްފިއެވެ.
އާދިއްތަ ދުވަހު ބޭއްވި ކޮމިޓީ ސިއްރުކޮށްފައިވާއިރު މި ކޮމިޓީގައި އެޖެންޑާކޮށްފައި ވަނީ އައިސީޓީ ދާއިރާގެ ހާލަތު ދެނެގަނެ އެސެސްމެންޓެއް ހެދުމަށް އެދި ހުށަހަޅާފައިވާ މައްސަލަ ދިރާސާކުރުމެވެ.
މި ކޮމިޓީ ސިއްރުކުރަން ނިންމި ސަަބަބުން އޮޅުންފިލުވަން "ރާއްޖެއެމްވީ" އިން ކުރި މަސައްކަތް ވަނީ ނާކާމިޔާބުވެފައެވެ. މި ކޮމިޓީގައި ރައީސް އޮފީހުގެ ބޭފުޅުންގެ އިތުރުން ނެޝެނަލް ސެންޓަރ ފޯ އިންފޮމޭޝަން ޓެކްނޮލޮޖީ (އެންސީއައިޓީ) ގެ ބޭފުޅުންނާ ބައްދަލުކުރާ ގޮތަށް އޮތީ ހަމަޖެހިފައެވެ.
