ޔޫއެންޑީޕީއިން ރާއްޖެއަށް ޕީޕީއީ ހަދިޔާކޮށްފި
8 ނޮވެމްބަރު 2020 | އާދީއްތަ 10:31މި ތަކެތި ހަވާލު ކޮށްފައިވަނީ މިނިސްޓްރީ އޮފް ފޮރިން އެފެއަރޒްގައި ބޭއްވި ރަސްމިއްޔާތެއްގައި
މި ތަކެއްޗާ ދިވެހި ސަރުކާރުގެ ފަރާތުން ހަވާލުވެވަޑައިގެންނެވީ މިނިސްޓަރ އޮފް ފޮރިން އެފެއަރޒް އަބްދުﷲ ޝާހިދު
ކޮވިޑް-19 އިން ރައްކާތެރި ވުމުގެ ގޮތުން ޔުނައިޓެޑް ނޭޝަންސް ޑިވެލޮޕްމަންޓް ޕްރޮގްރާމް (ޔޫއެންޑީޕީ) އިން ރާއްޖެއަށް ޕަރސަނަލް ޕްރޮޓެކްޓިވް އިކުއިޕްމެންޓްސް (ޕީޕީއީ) ހަދިޔާ ކުރައްވައިފިއެވެ.
މިނިސްޓްރީ އޮފް ފޮރިން އެފެއަރޒްގައި އާދިއްތަ ދުވަހު ބޭއްވި ރަސްމިއްޔާތެއްގައި ޔޫއެންޑިޕީގެ ރެޕްރެޒެންޓޭޓިވް އަކިކޯ ފޫޖީ މިތަކެތި ދިވެހި ސަރުކާރާ ހަވާލް ކޮށްދެއްވާފައި ވާއިރު މި ތަކެއްޗާ ދިވެހި ސަރުކާރުން ހަވާލުވެ ވަޑައިގަންނަވާފައިވަނީ މިނިސްޓަރ އޮފް ފޮރިން އެފެއަރޒް އަބްދުﷲ ޝާހިދުއެވެ.
ޔޫއެންޑީޕީއިން ހަދިޔާކުރި ޕީޕީއީގެ ތެރޭގައި ހިމެނެނީ 1080 ހެޒްމަޓް ސޫޓް، 10،080 އެން-95 މާސްކް، 5000 ސަރޖިކަލް ގައުންސް، 6000 ސަރޖިކަލް މާސްކް، 400 ގޮގްލްސް، 6000 ހެޑް ކަވަރސް، 5000 ޝޫ ކަވަރސް އަދި 2000 ފޭސް ޝީލްޑާއި 10،000 އެގްޒަމިނޭޝަން ގްލަވްސްއެވެ.
ޔޫއެންޑީޕީއިން ރާއްޖެއަށް އެކި ގޮތްގޮތުން އެހީތެރިކަން ފޯރުކޮށްދެމުން އަންނަ އިރު ދާދި ފަހުން ޝަރީއަތްތައް ހިންގުމަށް ބޭނުންވާ ގިނަ އައިޓީ ސާމާނު ވެސް ޔޫއެންޑީޕީއިން ވަނީ ރާއްޖެއަށް ހަދިޔާކޮށްފައެވެ.
އާދިއްތަ ދުވަހު ފޮރިން މިނިސްޓްރީގައި ބޭއްވި މި ރަސްމިއްޔާތުގައި މިނިސްޓަރ ޝާހިދުގެ އަރިހުގައި، ޔޫއެންޑީޕީގެ ރެޒިޑެންޓް ރެޕްރެޒެންޓޭޓިވް އަކީކޯ ފޫޖީގެ އިތުރުން އދ. ގެ ރެޒިޑެންޓް ކޯޑިނޭޓަރ ކެތަރިން ހެސްވޯލް ބައިވެރިވެވަޑައިގެންނެވިއެވެ.
