އޮޑިޓަރ ޖެނެރަލްގެ އޮފީހަށް 81 މިލިއަން ރުފިޔާގެ ބަޖެޓެއް ފާސްކޮށްފި
28 އޮކްޓޯބަރު 2020 | ބުދަ 08:55އޮޑިޓް އޮފީހުން 2021 ވަނަ އަހަރަށް ލަފާކޮށް 104 މިލިއަން ރުފިޔާގެ ބަޖެޓެއް މަޖިލީހަށް ހުށައެޅި
އޮޑިޓަރ ޖެނެރަލް ހަސަން ޒިޔަތު
އޮޑިޓަރ ޖެނެރަލްގެ އޮފީހުގެ 2021 ވަނަ އަހަރުގެ ބަޖެޓަށް 81 މިލިއަން ރުފިޔާ ކަނޑައެޅުމަށް ރައްޔިތުންގެ މަޖިލީހުން ފާސްކޮށްފިއެވެ.
އޮޑިޓަރ ޖެނެރަލްގެ އޮފީހުގެ 2021 ވަނަ އަހަރުގެ ބަޖެޓު ކަނޑައެޅުމުގެ މައްސަލަ ދިރާސާކޮށްފައި ވަނީ މަޖިލީހުގެ މާލިއްޔަތު ކޮމިޓީންނެވެ. މާލިއްޔަތު ކޮމިޓީން މި މައްސަލަ ދިރާސާކޮށް ނިންމިގޮތުގެ ރިޕޯޓުގައި ވަނީ އޮޑިޓް އޮފީހަށް 81 މިލިއަން ރުފިޔާގެ ބަޖެޓެއް ކަނޑައެޅުމަށް ނިންމާފައެވެ. މި ރިޕޯޓު ފާސްކުރުމަށް ވޯޓުދެއްވާފައި ވަނީ ބުދަ ދުވަހުގެ ޖަލްސާގައި ބައިވެރިވި 54 މެމްބަރުންގެ ވޯޓުންނެވެ.
އޮޑިޓް އޮފީހުން 2021 ވަނަ އަހަރަށް ލަފާކޮށް 104 މިލިއަން ރުފިޔާގެ ބަޖެޓެއް މަޖިލީހަށް ހުށައެޅިއެވެ. އެއީ ރިކަރަންޓު ހަރަަދުގެ ގޮތުފައި 56 މިލިއަން ރުފިޔާ ހަރަދުވާނެ ކަމަށާއި ކެޕިޓަލް ހަރަދުގެ ގޮތުގައި 48 މިލިއަން ދާނެ ކަމަށް ބަލާފައެވެ. އަދި އެ އޮފީހުގެ އިމާރާރެއް ހުޅުމާލޭގައި އެޅުމަށް 2021 ވަނަ އަހަރު ހިނގާނޭ ހަރަދުކަމުގައި ލަފާކޮށް 43 މިލިއަން ރުފިޔާ ވެސް ވަނީ ހިމަނާފައެވެ.
އެހެން ނަމަވެސް މަޖިލީހުން ވަނީ އޮޑިޓް އޮފީހުގެ 2021 ވަނަ އަހަރަށް ލަފާކޮށް ހުށައަޅާފައިވާ ބަޖެޓްގެ އެކި ބައިތަކަށް ބަދަލުތަކެއް ގެނެސްފައެވެ. އެގޮތުން އޮޑިޓް އޮފީހުން ހުށައެޅި 104 މިލިއަން ރުފިޔާގެ ތެރެއިން 23 މިލިއަން ރުފިޔާ އުނިކުރުމަށް ވަނީ ނިންމާފައެވެ.
މަޖިލީހުން ނިންމާފައި ވަނީ 2021 ވަނަ އަހަރަށް ލަފާކޮށް ހުށައަޅާފައިވާ ބަޖެޓްގެ ގޮތުގައި ރިކަރަންޓް ޚަރަދާއި އޮފީސް ހިންގުމަށް ބޭނުންވާ ހިންގުމަށް ބޭނުންވާ ހަރުމުދާ ހޯދުމަށް 56 މިލިއަން ރުފިޔާ ކަނޑައެޅުމަށެވެ. އަދި ޕީއެސްއައިޕީ ޕްރޮގްރާމްގެ ގޮތުގައި 25 މިލިއަން ރުފިޔާ ކަނޑައަޅާ، ޖުމްލަ 81 މިލިއަން ރުފިޔާ ކަނޑައެޅުމަށެވެ.
