ރ. ފައިނުގައި ދިރިއުޅުމަށް ބަންޑާރަގޯތި ހޯދުމަށް އެދި ހުށަހެޅި ފަރާތްތަކުގެ ތެރެއިން ގޯތި ލިބޭ ފަރާތްތަކުގެ ދާއިމީ ލިސްޓް އާންމު ކޮށްފިއެވެ.

ފައިނު ކައުންސިލުން ބުނީ 23 ބަންޑާރަ ގޯއްޗަށް އެދުމަށް ހުޅުވާލި ފުރުސަތުގައި ބަންޑާރަ ގޯއްޗަށް އެދި ފޯމް ހުށަހެޅި ފަރާތްތަކުގެ ޕޮއިންޓް ޝީޓާއި ގޯތި ލިބޭ ފަރާތްތަކުގެ ލިސްޓް އާންމު ކުރުމަށްފަހު ޝަކުވާ ހުށަހެޅުމަށް ހުޅުވާލި ފުރުސަތުގައި ލިބިފައިވާ ޝަކުވާ ފޯމްތަކަށް ބަލާ ގޯތި ލިބޭ މީހުންގެ ލިސްޓް މުރާޖާ ކޮށްފައިވާ ކަމަށެވެ.

އެގޮތުން މިހާރު ލިސްޓް ފައިނަލް ކުރެވި ދާއިމީ ލިސްޓް އާންމުކޮށް ކޮށްފައިވާ ކަމަށް ކައުންސިލުން ބުނެއެވެ. އަދި މިލިސްޓާއި ބެހޭގޮތުން އެއްވެސް ޝަކުވާއެއް އޮތްނަމަ، ޝަކުވާ ހުށަހަޅާ ފޯމް މެދުވެރިކޮށް 20 އޮކްޓޯބަރ 2020 ވާ އަންގާރަ ދުވަހުގެ 13:00 ކުރިން އެ ޝަކުވާއެއް ކައުންސިލަށް ހުށަހެޅުމަށް ވަނީ އެދިފައެވެ.

މީގެ އިތުރުން ކައުންސިލުން ބުނީ ޝަކުވާ ހުށަހަޅާ ފޯމް އެ އިދާރާއިން ލިބެން ކަމަށެވެ. އިތުރު މައުލޫމާތު ހޯދުމަށް ކައުންސިލްގެ ނަމްބަރު 6580072 ފޯނަށް ގުޅުމަށް ވެސް އެދިފައިވެއެވެ.

ގޯތި ލިބުނު ފަރާތްތަކުގެ މެދުގައި ބާއްވާ ގުރުއަތުނެގުން 22 އޮކްޓޯބަރ 2020 ވާ ބުރާސްފަތި ދުވަހުގެ މެންދުރުފަހު 1:00 ގައި ކައުންސިލް އިދާރާގައި އޮންނާނެއެވެ.