ފަސް މިނެޓުގެ ތެރޭގައި ނަތީޖާ ލިބޭ ކޮވިޑް-19 ޓެސްޓު ކިޓްތަކެއް އީޖާދުކޮށްފިއެވެ.

މި ކިޓުތައް އީޖާދު ކުރީ އޮކްސްފޯރޑް ޔުނިވަރސިޓީގެ ސައިންޓިސްޓުން ތަކެކެވެ.

ބޭރުގެ މީޑިއާތަކުގައި ރިޕޯޓު ކޮށްފައިވާ ގޮތުން އެއަރޕޯޓުތަކުގައި މާސް ޓެސްޓިންގް ޕްރޮގްރާމްތަކަށް މި ޓެސްޓު ކިޓްތައް ބޭނުން ކުރެވޭނެއެވެ.

އޮކްސްފޯރޑް ޔުނިވަރސިޓީން ބުނީ މި ކިޓްތަކުގެ ޕްރޮޑަކްޓް ޑިވެލޮޕްމެންޓް 2021 ވަނަ އަހަރުގެ ކުރީކޮޅު ފެށޭނެ ކަމަށް އުއްމީދު ކުރާ ކަމަށެވެ.

އެ ޔުނިވަރސިޓީން ބުނީ މި ޑިވައިސްތަކުން ވައިރަސް ހުރިތޯ ނުވަތަ ނޫންތޯ، ކަށަވަރު ކުރޭނެ ކަމަށެވެ. އަދި އަގުވެސް ހެޔޮވާނެ ކަމަށެވެ.

ދާދިފަހުން ކޮވިޑް ޓެސްޓުގެ ނަތީޖާ 15 މިނެޓުން ލިބޭ ޓެސްޓު ކިޓްތަކެއް ޔޫރަޕްގެ ގައުމުތަކުގައި ބޭނުން ކުރުމުގެ ހުއްދަ ވެސް ވަނީ ދީފައެވެ.