ކޮވިޑް-19: އިތުރު 51 މީހުން ޕޮޒިޓިވްވެ، 51 މީހުން ބަލިން ރަނގަޅުވެއްޖެ
16 އޮކްޓޯބަރު 2020 | ހުކުރު 00:10ރާއްޖޭގައި ޕޮޒިޓިވްވި މީހުންގެ އަދަދު ވަނީ 11،113 ށް އަރާފަ
ކޮވިޑް-19، މާލޭގެ މަގުމަތި
ކޮވިޑް-19 ޖެހިގެން ބުރާސްފަތި ދުވަހު ޕޮޒިޓިވްވީ 51 މީހުން ކަމަށް ހެލްތް ޕްރޮޓެކްޝަން އެޖެންސީ (އެޗްޕީއޭ) އިން ހާމަކޮށްފިއެވެ.
އެޗްޕީއޭ އިން ހާމަކޮށްފައިވާ މައުލޫމާތުތަކަށް ބަލާއިރު، ބުރާސްފަތި ދުވަހު ޕޮޒިޓިވްވި މީހުންގެ ތެރޭގައި ހިމެނެނީ 33 ދިވެހިންނާއި އެހެނިހެން ގައުމުތަކަށް ނިސްބަތްވާ 18 މީހުންނެވެ. މިއާއެކު ރާއްޖޭގައި ޕޮޒިޓިވްވި މީހުންގެ އަދަދު ވަނީ 11،113 ށް އަރާފައެވެ.
އެޗްޕީއޭއިން ބުނީ ޕޮޒިޓިވްވި 51 މީހުންގެ ތެރެއިން މާލެ ސަރަހައްދުން ޕޮޒިޓިވްވީ 46 މީހުން ކަމަށާއި، އަތޮޅު ތެރެއިން 5 މީހަކު ޕޮޒިޓިވްވެފައިވާ ކަމަށެވެ. އެކްޓިވް ކޭސްގެ އަދަދަށް ބަލާއިރު ހޮސްޕިޓަލުގައި ފަރުވާ ދެމުން އަންނަ 54 މީހުންނާއެކު 1140 މީހަކު ހިމެނެއެވެ.
ރާއްޖޭގައި ކޮވިޑް ފެތުރެން ފެށިފަހުން 11،000ށް ވުރެ ގިނަ މީހުން ޕޮޒިޓިވްވި ނަމަވެސް، މީގެ ތެރެއިން 9931 މީހަކު ވަނީ ބަލިން ރަނގަޅުވެފައެވެ. އައިސޮލޭޝަން ފެސިލިޓީތަކުގައި 400 މީހަކު އެބަ ތިއްބެވެ. މި ބަލީގައި 35 މީހަކު ވަނީ ނިޔާވެފައެވެ.
