ޖުޅްވާ 2 ގެ އެކްޓްރެސް ޓާޕްސީ ޕަންނޫ ރާއްޖޭގައި
މިއަދުގެ ވަގުތެއްގައި ރާއްޖެ އަތުވެއްޖެ
ޓާޕްސީ ޕަންނޫ
ބޮލީވުޑް ގެ މަޝްހޫރު ފިލްމް ޖުޅްވާ 2 ގެ ލީޑް އެކްޓްރެސް އެއްގެ ރޯލް އިން ފެނިގެން ދިޔަ ޓާޕްސީ ޕަންނޫ ޗުއްޓީ ހޭދަކޮށްލަން ރާއްޖެ އަތުވެއްޖެއެވެ.
ޓާޕްސީ ރާއްޖެ އައިސްފައި ވަނީ އޭނާގެ ދެ ދައްތަ ޝަގުން އަދި އިވާނިއާ ޕަންނޫ އާއި އެކުއެވެ. ޓާޕްސީ ވަނީ އޭނާގެ އިންސްޓަގްރާމް ސްޓޯރީގައި ބައެއް ފޮޓޯތަކާއި ވީޑިއޯ ފޭނުންނަށް ހިއްސާ ކޮށްފައެވެ.
ތާޖް އެގްޒޯޓިކާ ރިސޯޓް އެންޑް ސްޕާގައި ޗުއްޓީ ހޭދަކުރުމަށް ހަމަޖެހިފައިވާއިރު، ޓާޕްސީ ބުނެފައި ވަނީ ސާވިސް ރަނގަޅުކަން ފާހަގަކޮށް، ފެނުނީ ވަރަށް ރައްޓެހި މާހައުލެއް ކަމަށްވެސް ބުނެފައެވެ.
ރާއްޖެއަކީ އޭނާ އެންމެ ކަމުދާ ހޮލިޑޭ ޑެސްޓިނޭޝަން ކަމަށްވެސް ތާޕްސީ ބުނެފައި ވެއެވެ. އަދި ކުރިއަށް އޮތް ދުވަސްތަކުގައި މިއީ އޭނާގެ "ގެ" ކަމަށްވެސް ބުންޏެވެ.
ޓާޕްސީ އެންމެ ފަހުން ފެނިގެން ދިޔަ ފިލްމް "ތައްޕަޅް" އާންމުންގެ ތެރޭގައި މަގުބޫލު ފިލްމަކަށް ނުވިީނަމަވެސް، އަމީތާބް ބައްޗަން އާއި އެކު ފެނިގެން ދިޔަ ފިލްމް "ބަދްލާ" ވަނީ ބޮކްސް އޮފީހުގައި ހިޓަކަށް ވެފައެވެ.
