ފާއިތުވި ތިން މަސް ދުވަހުގެ ތެރޭގައި 186 ކަމަކާ ގުޅޭގޮތުން އޭޖީ އޮފީހުން ޤާނޫނީ ލަފާ ދީފައިވޭ
4 އޮކްޓޯބަރު 2020 | އާދީއްތަ 09:06ދައުލަތުގެ މުއައްސަސާތަކުން 199 ކަމެއްގައި ޤާނޫނީ ލަފަޔަކަށް އެދި ހުށައަޅާފައިވޭ
ބަންޑާރަ ނައިބް އިބްރާހިމް ރިފްއަތު
ފާއިތުވި 3 މަސް ދުވަހު މުއައްސަސާތަކަށް 186 ކަމަކާ ގުޅޭގޮތުން ބަންޑާރަ ނައިބުގެ އޮފީހުން ޤާނޫނީ ލަފާ ދީފިއެވެ.
ބަންޑާރަ ނައިބު އޮފީހުގެ ފާއިތުވި ތިން މަސް ދުވަހުގެ ތަފާސް ހިސާބުތައް ދައްކާގޮތުން، ޖުލައި މަހުން ފެށިގެން ސެޕްޓެމްބަރު މަހުގެ ނިޔަލަށް ދައުލަތުގެ މުއައްސަސާތަކުން 199 ކަމެއްގައި ޤާނޫނީ ލަފަޔަކަށް އެދި ބަންޑާރަ ނައިބްގެ އޮފީހަށް ހުށަހަޅާފައި ވެއެވެ. އަދި އެ މުއްދަތުގެ ތެރޭގައި 186 ޤާނޫނީ ލަފާ ދީފައި ވެއެވެ.
އެގޮތުން ޖުލައި މަހުން ފެށިގެން ސެޕްޓެމްބަރު މަހުގެ ނިޔަލަށް، ބިލްތައް ތަސްދީޤްކުރުމާއި ގުޅޭގޮތުން 18 ލަފަޔެއް ބަންޑާރަ ނައިބް ދެއްވާފައި ވެއެވެ. އަދި އެއްބަސްވުންތަކުގައި ސޮއިކުުރުމާއި ގުޅޭގޮތުން 43 ލަފަޔެއް ދީފައިވާއިރު، ގަވަައިދުތަކާއި ގުޅޭގޮތުން 28 ލަފަޔެއް ބަންޑާރަ ނައިބުގެ އޮފީހުން ދީފައި ވެއެވެ.
އޭގެ އިތުރުން، އުސޫލުތަކާއި ގުޅޭގޮތުން 4 ލަފަޔެއް ދައުލަތުގެ އިދާރާތަކަށް ދީީފައިވާއިރު، އެހެނިހެން ކަންކަންމާއި ގުޅިގެން 93 ލަފަޔެއް ދައުލަތުގެ އިދަރާތަކަށް ދީފައިވާކަމަށް ބަންޑާރަ ނައިބުގެ އޮފީހުން ބުނެއެވެ.
ބަންޑާރަ ނައިބުގެ އޮފީހުން އަހަރުގެ މިހާތަނަށް ޖުމްލަ 613 މައްސައެއްގައި ލަފާ ދީފާއިވާއިރު، އޭގެ ތެރޭގައި ދައުލަތުން ވެފައިވާ އެއްބަސްވުންތަކާއި ގުޅިގެން ދީފައިވާ 199 ލަފާ އަދި ރައްޔިތުންގެ މަޖިލިހުން ފާސްކޮށްފައިވާ ބިލްތައް ތަސްދީގުކުރުމާއި ގުޅިގެން ދީފައިވާ 22 ލަފާ ހިމެނެއެވެ.
