ބްރިޓިޝް އެއާވޭސްގެ ދަތުރުތައް މި މަހުގެ 16 ވަނަ ދުވަހު ރާއްޖެއަށް ފަށަނީ
ހަފްތާއަކު ސެޑިއުލް ތިން ފްލައިޓް ބާއްވަމުން އަންނާނެ
ބްރިޓިޝް އެއާވޭސްގެ ފްލައިޓްތަކެއް
ބްރިޓިޝް އެއާވޭސްގެ ދަތުރުތައް މި މަހުގެ 16 ވަނަ ދުވަހު ރާއްޖެއަށް ފެށުމަށް ނިންމާފައިވާކަން އެ އެއާލައިނުން ހާމަކޮށްފި އެވެ.
ބްރިޓިޝް އެއާވޭސްގެ ވެބްސައިޓްގައިވާ ގޮތުން މި މަހުގެ 16 ވަނަ ދުވަހު ލަންޑަން އިން ރާއްޖެ އަށް ސިދާ ދަތުރުތައް ފަށަ އެވެ.
ހަފްތާއަކު ޝެޑިއުލް ތިން ފްލައިޓް ބާއްވަމުން އަންނާނެ ކަމަށް ވެބްސައިޓްގައިވެއެވެ. އެއީ ހަފްތާގެ އާދިއްތަ، ބުދަ އަދި ހުކުރު ދުވަހު އެވެ. އަދި ރާއްޖެއިން، ލަންޑަންއަށް ފްލައިޓްތައް އޮންނާނީ ކޮންމެ ހޯމަ، ބުރާސްފަތި އަދި ހޮނިހިރު ދުވަހު އެވެ.
ޖުލައި މަހުގެ 15 ވަނަ ދުވަހު ރާއްޖޭގެ ބޯޑަރު ހުޅުވާލިފަހުން، އެއާލައިންތަކުން ރާއްޖެއަށް ބާއްވަމުން އަންނަ ދަތުރުތަކުގެ އަދަދުތައް އަންނަނީ އިތުރު ކުރަމުންނެވެ. އަދި ދުނިޔޭގެ ނަން މަޝްހޫރު ގިނަ އެއާލައިންތަކުގެ ދަތުރުތައް ރާއްޖެއަށް ފަށާފައިވާއިރު، އިތުރު އެއާލައިންތަކުގެ ދަތުރުތައް މި މަހުގައި ފެށުމަށް ނިންމާފައިވެއެވެ.
އެއާލައިންތަކުގެ ދަތުރުތައް އިތުރު ކުރަން ފެށުމާއެކު ރާއްޖޭގެ ފަތުރުވެރިކަން އިތުރަށް ރަނގަޅު ވެގެންދާނެ އެވެ.
