އަންގާރަ ދުވަހު ޕޮޒިޓިވްވީ 31 ދިވެހިން
29 ސެޕްޓެމްބަރު 2020 | އަންގާރަ 17:40އަންގާރަ ދުވަހު ރާއްޖެއިން ޕޮޒިޓިވްވީ 37 މީހުން
އާރުއާރުޓީން ސާމްޕަލް ނެގުމުގެ މަސައްކަތް ކުރަނީ؛ ރާއްޖޭގައި ޕޮޒިޓިވްވާ މީހުންގެ އަަދަދު ދަށްވަމުން އަންނަކަމަށް އެޗްޕީއޭއިން ބުނޭ
ކޮވިޑް-19 ޖެހިގެން އަންގާރަ ދުވަހު ޕޮޒިޓިވްވީ 31 ދިވެހިން ކަމަށް ހެލްތް ޕްރޮޓެކްޝަން އެޖެންސީ (އެޗްޕީއޭ) އިން ހާމަކޮށްފިއެވެ.
އެޗްޕިއޭއިން ހާމަކޮށްފައިވާ މައުލޫމާތުތަކަށް ބަލާ އިރު، އަންގާރަ ދުވަހު ޖުމަލް 37 މީހަކު ޕޮޒިޓިވްވިއެވެ. މީގެ ތެރޭގައި ހިމެނެނީ 31 ދިވެހިންނާއި އެހެނިހެން ގައުމުތަކަށް ނިސްބަތްވާ 6 މީހުންނެވެ. މިއާއެކު ރާއްޖޭގައި ޕޮޒިޓިވްވި މީހުންގެ އަދަދު ވަނީ 10،194ށް އަރާފައެވެ.
އެޗްޕިއޭ އިން ބުނީ އަންގާރަ ދުވަހު ޕޮޒިޓިވްވި 37 މީހުންގެ ތެރެއިން މާލެ ސަރަހައްދުން ޕޮޒިޓިވްވީ 34 މީހުން ކަމަށާއި، އަތޮޅު ތެރެއިން 4 މީހަކު ޕޮޒިޓިވްވެފައިވާ ކަމަށެވެ. އެކްޓިވް ކޭސްގެ އަދަދަށް ބަލާއިރު ހޮސްޕިޓަލުގައި ފަރުވާ ދެމުން އަންނަ 80 މީހުންނާއެކު 1116 މީހަކު ހިމެނެއެވެ.
ރާއްޖޭގައި ކޮވިޑް ފެތުރެން ފެށިފަހުން 10،000ށް ވުރެ ގިނަ މީހުން ޕޮޒިޓިވްވި ނަމަވެސް، މީގެ ތެރެއިން 9037 މީހަކު ވަނީ ބަލިން ރަނގަޅުވެފައެވެ. އައިސޮލޭޝަން ފެސިލިޓީތަކުގައި 556 މީހަކު އެބަ ތިއްބެވެ. މި ބަލީގައި 34 މީހަކު ވަނީ ނިޔާވެފައެވެ. މީގެ ތެރޭގައި ގިނައީ ދިވެހިންނެވެ.
