ސްޓޭޓް ޓްރޭޑިން އޮގައިޒޭޝަން (އެސްޓީއޯ) އިން އަގުހުރި އިނާމްތަކާއިއެކު "ޝޮޕް އެންޑް ވިން ޕްރޮމޯޝަން" އަށް އާންމުންގެ ފަރާތުން ބޮޑު ތަރުހީބެއް ލިބެމުންދާކަމަށް އެެސްޓީއޯއިން ބުނެފިއެވެ.

އީ ސްޓޯރއިން ވިޔަފާރި ކުރާ ފަރާތްތަކަށް ޚާއްސަކޮށްގެން ކުރިއަށް ގެންދާ މި ޕްރޮމޯޝަން ކުރިއަށްދާނީ މިހިނގާ ސެޕްޓެމްބަރު މަހުގެ 15ން އޮކްޓޯބަރު މަހުގެ 15 ގެ ނިޔަލަށެެވެ.

އީ ސްޓޯރ މެދުވެރިކޮށް މި ޕްރޮމޯޝަން ކުރިއަށް ގެންދިއުމުގެ މަޤްސަދަކީ ހެލްތް ޕޮރޮޓެކްޝަން އެޖެންސީ (އެޗްޕީއޭ) ގެ ގައިޑްލައިންތަކާއި އެއްގޮތަށް ކަސްޓަމަރުން ގޭގައި ތިބެގެން ވިޔަފާރިކުރުމަށް މަގުފަހިކޮށްދިނުން ކަމަށް އެސްޓީއޯއިން ބުނެއެވެ.

ޕްރޮމޯޝަންގައި ބައިވެރި ވެވޭނީ އެސްޓީއޯ ސުޕަމާކެޓުން 500 ރުފިޔާއިން މަތިން ވިޔަފާރި ކުރާ ފަރާތްތަކަށާއި އެސްޓީއޯ ހޯމް އިމްޕްރޫވްމަންޓުން 1000 ރުފިޔާއިން މަތިން ވިޔަފާރި ކުރާ ފަރާތްތަކަށެވެ.