އެންޓި-ކޮވިޑް ފަސްތަރި އެވޯޑް ލިބުނު ފުރަތަމަ އެއަރޕޯޓަކަށް ރޯމާގެ ފިއުމިކާނޯ އެއަރޕޯޓް

ސްކައިޓްރެކްސްގެ އެންޓި-ކޮވިޑް ފަސްތަރި އެވޯޑް ލިބުނު ފުރަތަމަ އެއަރޕޯޓަކަށް ރޯމާގެ ފިއުމިކާނޯ އެއަރޕޯޓް ވެއްޖެއެވެ.

ސްކައިޓްރެކްސް އަކީ ކޮންމެ އަހަރަކުވެސް ދުނިޔޭގެ އެންމެ މޮޅު އަދި ރަނގަޅު އެއަރޓުޕޯތައް ހޮވުމަށް މަގުބޫލު ކުންފުންޏަކަށް ވީއިރު، މި ފަހަރު އެއަރޕޯޓު ތަކުގެ ސާފުތާހިރު ކަމަށް ބަލާ އެމީޙުން މިވަނީ އާ އެވޯޑެއް ތައާރަފް ކޮށްފައެވެ.

ސްކައިޓްރެކްސް އިން ބުނެފައިވަނީ މިފަހަރު މި އެވޯޑް ދީފައި މިވަނީ އޭޓީޕީ ޓެސްޓު ކުރުމާ އެއާޕޯޓެއްގެ މަސައްކަތްތެރިކަމާ އަދި ސާފުތާހިރުކަމުގެ އިތުރުން ނުހަނު ގިނަ ގޮތްގޮތުން ބެލުމަށްފަހުގައެވެ. މީގެ އިތުރުން އެ ކުންފުނިން ބުނީ ފިއުމިކާނޯ އެއަރޕޯޓް އަކީ ތަރުތީބު އަދި ވަރަށް ރަނގަޅު އިންތިޒާމްތަކެއްގެ ދަށުން ބަލައްޓަމުން އަންނަ އެއަރޕޯޓެއްގެ އިތުރުން ޓެސްޓު ކުރުމުގައި ނުހަނު އަވަސް ތަނެއް ކަމުގައެވެ.

ފިއުމިކާނޯ އެއަރޕޯޓް ނުވަތަ ލިއޮނަރޑޯ ޑަ ވިންސީ އިންޓަރނޭޝަނަލް އެއަރޕޯޓަކީ އިޓަލީގެ އެންމެ ބިޒީ އެއަރޕޯޓެވެ. މި އެއަރޕޯޓުން, އިޓަލީގެ ރެޑް ކްރޮސް އާ ގުޅިގެން 1 ސެޕްޓެމްބަރުގައި ވަނީ 7،000 އަކަފޫޓުގެ ކޮވިޑްއަށް ޓެސްޓު ކުރުމުގެ ސެންޓަރެއް ވެސް ގާއިމް ކޮށްފައެވެ.

ސްކައިޓްރެކްސް އިން މިހާތަނަށް ބަލާފައިވަނީ ހަމައެކަނި ޔޫރަޕްގެ ގައުމުތަކުގެ އެއަރޕޯޓުތައް އެކަންޏެވެ. އަދި ސްޕެއިން ގެ އެއަރޕޯޓަކާ، ފްރާންސް އަދި ލަންޑަންގެ އެއަރޕޯޓަކަށް މި ކުންފުނިން ވަނީ ތިން ކޮވިޑް އާ ދެކޮޅަށް ކުރާ މަސައްކަތުގައި ތިން ތަރި ދީފައެވެ.