ފަތުރުވެރިކަމުގެ ސިނާއަތް ކުރިއެރުވުމަށް ކުރެވޭ މަސައްކަތްތަކާ ބެހޭ ގޮތުން މަޝްވަރާ ކޮށްފި
14 ސެޕްޓެމްބަރު 2020 | ހޯމަ 17:34ދިމާވާ ގޮންޖެހުންތަކާއި ހައްލު ކުރެވޭނެ ގޮތްތަކާ މެދު މަޝްވަރާ ކުރެއްވި
ޗައިނާ ސަފީރު ޒަންގް ލީޒޮންގް
ފަތުރުވެރިކަމުގެ ސިނާއަތް ކުރިއެރުވުމަށް ކުރެވޭ މަސައްކަތްތަކާ ބެހޭ ގޮތުން ޗައިނާ ސަފީރު ޒަންގް ލީޒޮންގް އާއި ޓޫރިޒަމް މިނިސްޓަރު ޑރ އަބްދުﷲ މައުސޫމު މަޝްވަރާ ކުރައްވައިފިއެވެ.
ޓޫރިޒަމް މިނިސްޓްރީން ބުނީ ޗައިނާ އާއި ރާއްޖެއާ ދެމެދު ޓޫރިސްޓު ދަތުރުތައް އިތުރަށް ހަރުދަނާ ކުރުމާ ގުޅޭ ގޮތުން މަޝްވަރާ ކޮށްފައިވާ ކަމަށެވެ.
މި މަޝްވަރާ ބައްދަލުވުމާ ބެހޭ ގޮތުން ޗައިނާ ސަފީރު ވިދާޅުވީ ކޮވިޑް-19 އާ ގުޅިގެން ހުއްޓުމަށް އައިސްފައި އޮތް ޓޫރިޒަމް އިންޑަސްޓްރީ އަލުން ފަށައިގަތުމަށް ކުރިއަށް ގެންދަން ކުރަމުންދާ މަސައްކަތްތަކާއި ދިމާވާ ގޮންޖެހުންތައް މިނިސްޓަރު މައުސޫމް ހިއްސާ ކުރެއްވި ކަމަށެވެ.
އެގޮތުން މި މަސައްކަތް އިތުރަށް ހަރުދަނާ ކުރުމާ ބެހޭ ގޮތުންނާއި، ރައްކާތެރިކަމުގެ ގޮތުން އަޅާފައިވާ ހުރި ފިޔަވަޅުތަކާއި ބެހޭ މައުލޫމާތު ވެސް ވަނީ ހިއްސާ ކޮށްފައިވާ ކަމަށް ސަފީރު ވިދާޅުވިއެވެ.
ޓޫރިޒަމް އިންޑަސްޓްރީ ކުރިއަށް އޮތް ހިސާބަށް ގެންދިއުމަށް ކުރާ މަސައްކަތަށް ފުރިހަމަ އެއްބާރުލުން ދޭނެ ކަމުގެ ފުރިހަމަ ޔަގީންކަން ޗައިނާގެ ސަފީރު ވަނީ ދެއްވާފައެވެ.
