އެމްޓީސީސީގެ "މާބޮޑަށް ވެސް އަގު ހެޔޮވެއްޖެ" ކެމްޕެއިން ފަށައިފި
14 ސެޕްޓެމްބަރު 2020 | ހޯމަ 12:40އެމީހުންގެ އަމާޒަކީ އަބަދުވެސް ކަސްޓަމަރުންނަށް ލުއި ފަސޭހަ ގޮތްތަށް ހޯދައިދިނުން ކަމަށް
އެމްޓީސީސީގެ ކަށަވަރު ޝޯވ ރޫމް
މޯލްޑިވްސް ޓްރާންސްޕޯޓް އެންޑް ކޮންޓްރެކްޓިންގ ކޮމްޕެނީ (އެމްޓީސީސީ) ގެ "މާބޮޑަށް ވެސް އަގުހެޔޮވެއްޖެ" ކެމްޕެއިން ފަށައިފިއެވެ.
އެމްޓީސީސީ އިން ބުނީ ސަރުކާރުން އިމްޕޯޓް ޑިއުޓީ އަށް ގެނަސްފައިވާ ބަދަލާ ގުޅިގެން އެމްޓީސީސީ ކަށަވަރުން ވިއްކާ ސުޒުކީ އައުޓްބޯޑު އިންޖީނު އަދި ޔަންމާ އިންބޯޑު އިންޖީނުތަކުގެ ހެޔޮ ބަދަލެއް ގެނެވުމާއެކު މި ކެމްޕެއިން ފަށާފައިވާ ކަމަށެވެ.
އިތުރަށް މައުލޫމާތު ދެމުން އެމްޓީސީސީގެ އިއުލާނުގައި އެ ކުންފުނިން ބުނީ އެމީހުންގެ އަމާޒަކީ އަބަދުވެސް ކަސްޓަމަރުންނަށް ލުއި ފަސޭހަ ގޮތްތަށް ހޯދައި ދިނުން ކަމަށާއި ކޮންމެ އަހަރަކު ވެސް ލުއިފަސޭހަ ޕްރޮމޯޝަންތައް ބޭއްވުމާއެކު ރާއްޖޭގެ އެކި ކަންކޮޅުތަކުގައި ތިބި ކަސްޓަމަރުންނަށް މައުލޫމާތު ފޯރުކޮށްދެމުންދާ ކަމަށެވެ.
އަދި މީގެ އިތުރުން ވެސް އިންޖީނުތައް ރަނގަޅަށް ބެލެހެއްޓުމާ ޓެކްނިކަލް ކަންކަމަށް އަހުލުވެރި ކުރުވުމުގެ ހަރަކާތްތައް އެ ކުންފުނިން އަބަދު ވެސް ރާވާ ހިންގަމުން ގެންދާނެ ކަމަށެވެ.
އެމްޓީސީސީ އަކީ އެންމެ ފުރަތަމަ ގާއިމް ކުރެވުނު ޕަބްލިކް ކުންފުންޏަށް ވީއިރު އެ ކުންފުންޏަކީ ޔަންމާ އަދި ސުޒުކީ އައުޓްބޯޑް އިންޖީނުގެ އިތުރުން ކާސްޓްރޯލް އަޑީތެލުގެ އިތުރުން ގިނަ ތަކެތި ރާއްޖޭގައި އޮތޮރަޒްކޮށް ޑިސްޓްރިބިއުޓް ކުރާ ފަރާތެެވެ.
މީގެ އިތުރުން ވެސް ދަތުރުފަތުރު ކުރުމުގެ ހިދުމަތާ، ބަނދަރު ހެދުން، ބިންހިއްކުން، ފަޅުފުންކުރުން، ގޮނޑުދޮށްހިމާހަތް ކުރުމުގެ އިތުރުން ގެދޮރު އިމާރާތް ކުރުމުގެ މަސައްކަތް ރާއްޖޭގެ ހުރިހާ ކަންކޮޅެއްގައި އަންނަނީ ފޯރުކޮށްދެމުންނެވެ.
އެމްޓީސީސީ ގެ "މާބޮޑަށްވެސް އަގުހެޔޮވެއްޖެ" ކެމްޕެއިން ނިންމާލާނެ ތާރީހެއް އަދި ކަނޑައެޅިފައެއް ނުވެއެވެ.
