"ކާލީ ޕީލީ" އަންނަ މަހު ރިލީޒް ކުރަނީ

ބޮލީވުޑްގެ އަންހެންތަރި އަނަންޔާ ޕާންޑޭ އާއި ބޮލީވުޑްގެ ކާމިޔާބު ތަރި ޝާހިދު ކަޕޫރުގެ ކޮއްކޮ އިޝާން ކައްތުރާ އެކުގައި ފެނިގެންދާ ފުރަތަމަ ފިލްމް "ކާލީ ޕީލީ" ރިލީޒްކުރާނެ ތާރީހެއްވަނީ މިހާރު އިއުލާނު ކޮށްފައެވެ. މި ދެ ތަރިން ލީޑް ރޯލުން އެކުގައި ފެނިގެންދާނެ މިއީ ފުރަތަމަ ފަހަރެވެ.

ފިލްމުގެ ޓީޒާ މިހާރު ދައްކާލާފައިވާއިރު ފިލްމް ރިލީކުރަން ހަމަޖެހިފައިވަނީ އަންނަ މަހު 2 ގައެވެ. ފިލްމުގެ ޓީޒާގައި ފެނިގެންދަނީ ވައްކަން ކޮށްގެން ދެ ޒުވާނުން އެކުގައި ފިލަން ދުއްވާ މަންޒަރެވެ.

ރޮމޭންޓިކް އަދި އެކްޝަން ސީންތައް ފެނިގެންދާ މި ފިލްމަކީ އަލީ އައްބާސް ޒަފަރު ޕުރަޑިއުސްކޮށް ޒީސުޓޫޑިއޯ އާއި އޮފްސައިޑް އެންޓަޓެއިންމަންޓް ގުޅިގެން ގެނެސް ދޭ ފިލްމެކެވެ. މި ފިލްމް ރިލީޒް ކުރަން ހަމަޖެހިފައިވަނީ ޑިޖިޓަލް ޕުލެޓްފޯމް ޒީ ޕްލެކްސްގައެވެ. މި ފިލްމުގެ ސްކްރީން ޕްލޭ ތައްޔާރު ކޮށްފައި ވަނީ ސީމާ އަގަރުވާލާއި ޔާޝް ކޭޝަރްވާނީ އެވެ. މި ފިލްމްގެ ވިލަންގެ ބައިން ފެނިގެންދާނީ ޖެއިދީފް އަހުލްވާތުއެވެ.