ފުލުހުން ހިންގި ހާއްސަ އޮޕަރޭޝަނެއްގައި ލ.ކަލައިދޫއިން ވަގަށް ނަގާފައިވާ ފައިސާތަކެއް ހޯދައިފި
7 ސެޕްޓެމްބަރު 2020 | ހޯމަ 06:21ފައިސާތައް ހޯދާފައިވަނީ ރަށުގައި ވަޅުލާފައި ހުއްޓާ
ފުލުހުން ދަނީ މި މައްސަލަ ތަހުގީގު ކުރަމުން
ފުލުހުން ހިންގި ހާއްސަ އޮޕަރޭޝަނެއްގައި ލ. ކަލައިދޫއިން ވަގަށް ނަގާފައިވާ ފައިސާތަކެއް ހޯދައިފިއެވެ.
އާދީއްތަ ދުވަހު ގެޔަކުން ގިނަ އަދަދެއްގެ ފައިސާ ވަގައް ނަގާފައި ވާތީ ފުލުހުންނަށް މި މައްސަލަ ހުށަހެޅުމާއި ގުޅިގެން ފުލުހުން ވަނީ ހާއްސަ އޮޕަރޭޝަނެއް ހިންގާފައެވެ. އަދި މި ފައިސާތައް ވަނީ ހޯދާފައެވެ.
ލ. އިސްދޫ ޕޮލިސް ސްޓޭޝަނާއި ލ ގަން ޕޮލިސް ސްޓޭޝަން ގެ އިތުރުން ފުލުހުންގެ އިންޓެލިޖެންސް ގުޅިގެން ހިންގި މި އޮޕަރޭޝަނުގައި ފައިސާތައް ހޯދާފައިވަނީ ރަށުގައި ވަޅުލާފައި ހުއްޓައެވެ. އެސަރަހައްދު ބަލައި ފާސްކުރުމުން ޖުމްލަ 352،500 ރުފިޔާ ވަނީ ހޯދާފައެވެ.
ފުލުހުން ބުނީ މި މައްސަަލަ އާ ގުޅިގެން 29 އަހަރުގެ މީހަކާ 38 އަހަރުގެ މީހަކު ކޯޓު އަމުރެއްގެ ދަށުން ހައްޔަރު ކޮށްފައިވާ ކަމަށެވެ.
ފުލުހުން ދަނީ މި މައްސަލަ ތަހުގީގު ކުރަމުންނެވެ.
