ކޮރެއާ މީހާއަށް ދެވަނަ ފަހަރަށް ޖެހުނީ ކޮވިޑްގެ އެހެން ސްޓްރެއިންއެއް
25 އޯގަސްޓު 2020 | އަންގާރަ 18:13ދެވަނަ ފަހަރަށް ވައިރަސް ޖެހުނު މީހާގެ ހަށިގަނޑުން ފެނުނީ ކޮވިޑްގެ އެހެން ސްޓްރެއިންއެއް
ހުމުގެ އަލާމާތެއް ހުރިތޯ ބެލުމަށް ހަށިގަނޑުގެ ފިނިހޫނުމިން ބަލަނީ؛ ބަލި ޖެހިފައިވާ މީހަކު ދެވަނަ ފަހަރަށް ބަލިޖެހުނުކަމުގެ ރިޕޯޓެއް ދެކުނު ކޮރެއާއިން ވަނީ ކޮށްފައި
އެއްފަހަރު ކޮވިޑް-19 ޖެހި ބަލިން ރަނގަޅުވި މީހަކު ދެވަނަ ފަހަރަށް ކޮވިޑް ޖެހިފައިވާ ކަމަށް ދިރާސާ ކުރާ ފަރާތްތަކުން ބުނެފިއެވެ.
މިއީ މިހާތަނަށް ހޯދިފައިވާ ފުރަތަމަ ކޭސް ކަމަށް ހޮންގކޮންގުގެ ޔުނިވަރސިޓީ އޮފް ހޮންގކޮންގުގެ ދިރާސާ ކުރާ ޓީމުން ވަނީ ބުނެފައެވެ. އެ ޓީމުގެ ހޯދުންތަކުން ދައްކާގޮތުން ކޮވިޑް-19 ޖެހި ރަނގަޅުވާ މީހުންގެ ތެރެއިން ބައެއް މީހުންގެ ހަށިގަނޑުގައި ވައިރަސް ބަލިކަށިކުރާ ވަރަށް އެންޓި ބޮޑީސް އުފެދިފައި ނުވުން ނުވަތަ ވައިރަސް ޖެހުމުން އެއާ ދެކޮޅަށް ހަނގުރާމަ ކުރުމަށް އުފެދުނު އެންޓި ބޮޑީސްގެ އަސަރު ކުޑަވުމުން ދެވަނަ ފަހަރަށް ކޮވިޑް ޖެހުމުގެ ފުރުސަތު ބޮޑު ކަމަށެވެ.
ނަމަވެސް މި ކޭސްއާއެކު ކޮވިޑް-19 އަށް ފަރުވާ ހޯދުމަށް ނުވަތަ ވެކްސިން އުފައްދަން މަސައްކަތް ކުރަމުން އަންނަ ސައިންސްވެރިންގެ ތެރެއިން ބަލިން ރަނގަޅުވި މީހުންގެ އެންޓިބޮޑީސް ބޭނުންކޮށްގެން ފަރުވާ ހޯދުމަށް ކުރަމުން އަންނަ މަސައްކަތަށް އިތުރު ފަސޭހަތަކެއް ލިބިގެންދާނެ ކަމަށް ބެލެވެއެވެ. އަދި މިކަމުގެ ސަބަބުން ވައިރަސް އުފެއްދުމުގެ މަގު ކުރުވެ މަސައްކަތް އަވަސް ވެގެންދާނެ ކަމަށް ވެސް ބެލެވެއެވެ.
ހޮންކޮންގް ޔުނިވަރސިޓީގެ ދިރާސާ ކުރާ ޓީމުން ބުނެފައިވަނީ ދެވަނަ ފަހަރަށް ވައިސް ޖެހުމަކީ ހަސްވެ ކަންބޮޑުވާން ޖެހޭ ކަމެއް ނޫން ކަމަށެވެ. އަދި ކޮވިޑް-19 ގެ އާއިލާއިގައި ހިމެނޭ އެހެން ކޮރޯނާ ވައިރަސް ވެސް ދެވަނަ ފަހަރަށް ޖެހޭ ކަމަށް ބުނެފައިވެއެވެ. މި ދިރާސާ އާންމުކުރުމާއެކު ޔާލޭ ޔުނިވަރސިޓީގެ އިމިއުންބައޮލެޖީގެ ޕްރޮފެސަރެއް ކަމަށްވާ އަކީކޯ އިވަސަކީ ވިދދާޅުވެފައިވަނީ މި ދިރާސާއިން އުއްމީދުނުކުރާ ކަމެއް ނުފެންނަ ކަމަށެވެ. އަދި މިއީ އިމުނިޓީ މަސައްކަތް ކުރާ ގޮތް ކަމަށް އޭނާ ވިދާޅުވެފައިވެއެވެ.
ދެވަނަ ފަހަރަށް ވައިރަސް ޖެހިފައިވަނީ ހޮންކޮންގުގެ 33 އަހަރުގެ ފިރިހެނަކަށެވެ. އޭނާއަށް ފުރަތަމަ ކޮވިޑް ޖެހުނީ މިދިޔަ މާޗް މަހުގެ ފަހުކޮޅުގައެވެ. ހަށިގަނޑުން ކޮވިޑް-19 ގެ އަލާމާތްތައް ފެނިގެން މި މީހާ އެޑްމިޓްކޮށް ފަރުވާދީފައިވަނީ މާޗް 29 ވަނަ ދުވަހުއެވެ. އަދި އޭނާގެ ގައިން ފެނުނު އަލާމާތްތައް ރަނގަޅުވެ ހޮސްޕިޓަލުން ދޫކޮށްލީ އެޕްރީލް މަހުގެ 14 ވަނަ ދުވަހުއެވެ.
އަދި ދެވަނަ ފަހަރަށް އޭނާއަށް ކޮވިޑް-19 ޖެހިފައިވަނި 4 މަސް ފަހުން އޭނާ އިނގިރޭސީވިލާތު މަގުން ސްޕެއިން އިން ހޮންގކޮންގަށް އެނބުރި އައި ފަހުންނެވެ. އޭނާގެ ޓެސްޓުތައް ހެދުމަށް ވައިރަސްއަށް ޕޮޒިޓިވްވިކަން އެނގުނީ މި މަހުގެ 15 ވަނަ ދުވަހުއެވެ. އަދި ހޮސްޕިޓަލުގައި އެޑްމިޓް ކުރި ނަމަވެސް، ބަލީގެ އެއްވެސް އަލާމާތެއް ހަށިގަނޑުން ފެންނަން ނެތް ކަމަށް ދިރާސާކުރި ޓީމުން ބުނެފައިވެއެވެ.
ދިރާސާ ކުރި ފަރާތްތަކުން ވަނީ ވަނީ ދެފަހަރަށް ޖެހުނު ވައިރަސްގެ "ސިކުއެންސްޑް ޖެނޯމްސް" ނުވަތަ އެއްޗެއް މުޅި ޑީއެންއޭ ނެގުމަށްފަހު އަޅާ ކިޔާފައެވެ. އެގޮތުން ދެވަނަ ފަހަރަށް ޖެހުނު ވައިރަސްގެ ސްޓްރެއިން އަކީ ކުރިން ޖެހުނު ވައިރަސްގެ ސްޓްރެއިންއާ ތަފާތު ސްޓްރެއިން އެއްކަމަށް ވަނީ ދެނެގަނެވިފައެވެ. ސައިންސްވެރިން ބުނެފައިވަނީ މި ކޭސްއަކީ ދެވަނަ ފަހަރަށް އިންފެކްޓްވުމުގެ ކޭސްއެއް ކަމަށާއި، މިއީ އެއްފަހަރު ޕޮޒިޓިވްވުމުގެ ސަބަބުން ހަށިގަނޑަށް ވަތް ވައިރަސްގެ ސަބަބުންވި ކަމެއް ނޫން ކަމަށެވެ.
ލަންޑަން ސްކޫލް އޮފް ހައިޖީން އެންޑް ޓްރޮޕިކަލް މެޑިސިންގެ މައިކްރޯބައިލޮޖިސްޓެއް ކަމަށްވާ ޕްރޮފެސަރ ވްރެންޑެން ވްރެން ވިދާޅުވީ ދެވަނަ ފަހަރަށް އިންފެކްޓުވުމަކީ ވަރަށް މަދުން ނޫނީ ނުވާނެކަމެއްގެ މިސާލެއް ކަމަށާއި، މުޅި ދުނިޔެއަށް ވައިރަސް ފެތުރިފައިވާއިރު، ވައިރަސްގެ ތަފާތު ސްޓްރެއިންތައް ފެނުމަކީ ވުން ގާތްކަމެއް ކަމަށެވެ.
އޭނާ ވިދާޅުވީ ހުރިހާ ވައިރަސްއެއް ވެސް އޭގެ ޒާތުގައި ވަގުތާއެކީގައި މިއުޓޭޓް ނުވަތަ ބަދަލުވަމުން ދާނެ ކަމަށެވެ. ނަމަވެސް އެ މިއުޓޭޝަންތަކަކީ ކޮބައި ކަން ދެނެގަންނަން އުނދަގޫ ކަމަށާއި، މޫސުމަށް އަންނަ ބަދަލުތަކާއެކު ވެސް އެއަށް ބަދަލު އައުން އެކަށީގެންވާ ކަމަށެވެ.
ވްރެން ވިދާޅުވީ މުޅި ދުނިޔޭގައި 23 މިލިއަނެއްހާ މީހުންނަށް ކޮވިޑް-19 ޖެހިފައިވާ އިރު، ކޮވިޑަށް ވެކްސިނެއް އުފައްދަން ކުރަމުންދާ މަސައްކަތަށް އެކަމުގެ ސަބަބުން މައްސަލައެއް ދިމާވެގެން ނުވާނެ ކަމަށެވެ.
މީގެ ކުރިން ހަދާފައިވާ ދިރާސާތަކުން ދައްކާ ގޮތުން، ވައިރަސް ޖެހޭ މީހުންގެ ހަށިގަނޑުން ފެންނަ އެންޓިބޮޑީސް މަސްތަކެއް ވުމުން ފިލައިގެން ދެއެވެ. އެހެންކަމުން ވައިރަސް އަށް އިމުންވިޔަސް މާ ގިނަ ދުވަހަކަށް އެކަން ދެމިގެން ނުދާނެއެވެ. ނަމަވެސް އެންޓިބޮޑީސްގެ ސަބަބުން އިމިއުނިޓީއަށް ދޭތޯ ނުވަތަ ނޫންތޯ ބެލުމަށް އިތުރު ދިރާސާރައް އަދި ހަދަން ޖެހެއެވެ.
ހެޑް އޮފް ނެޝަނަލް އިންސްޓިޓިއުޓް އޮފް އެލަރޖީ އެންޑް އިންފެކްޝަން ޑިޒީސް ޑރ. އެންތޮނީ ފައުސީ މީގެ ކުރިން ވިދާޅުވެފައިވަނީ ކޮރޯނާ ވައިރަސްތަކަށް ހަށިގަނޑު އިމިއުންވި ނަމަވެސް، އަދި އެންމެ އާދައިގެ ރޯގާއަށް އިމިއުން ވިޔަސް އެކަން ދެމިގެންދާނީ 3 މަހާއި 6 މަހުގެ މުއްދަތަކަށް ކަމަށެވެ.
