ކ. މާލެ
|
25 އޯގަސްޓް 2020 | އަންގާރަ 18:38
އެއަރ އިންޑިއާގެ ފްލައިޓެއް، ދަތުރުތައް ފަށާފައިވަނީ ޚާއްސަ ފިޔަވަޅުތަކާއެކު
އެއަރ އިންޑިއާގެ ފްލައިޓެއް، ދަތުރުތައް ފަށާފައިވަނީ ޚާއްސަ ފިޔަވަޅުތަކާއެކު
ޓްރެވަލް ޓްރޭޑް ޖަރނަލް
އެއަރ އިންޑިއާގެ ޝެޑިއުލް ދަތުރުތައް ފެށުން
އެއަރ އިންޑިއާގެ ޝެޑިއުލް ދަތުރުތައް އަލުން ފަށައިފި
 
ދިވެހިންނަށް ޓިކެޓް ދޫކުރާނީ އިންޑިއާ ހައިކޮމިޝަންގެ ހުއްދައާއެކު
 
ދަތުރުތައް ކުރުމަށް ހަމަޖެހިފައިވަނީ ޓްރެވިންޑަމުން ވެލާނާ އިންޓަރނޭޝަނަލް އެއަރޕޯޓަށް
 
ކޮންމެ ހަފްތާއަކު އަންގާރަ ދުވަހު ދަތުރު އޮންނާނެ

ކޮވިޑް-19އާ ގުޅިގެން މެދުކަނޑާލި އެއަރ އިންޑިއާގެ ޝެޑިއުލް ދަތުރުތައް އަލުން ރާއްޖެއަށް ފަށައިފިއެވެ.

އެއަރ އިންޑިއާގެ ރާއްޖޭގެ ޕެސެންޖަރ ސޭލްސް އެޖެންޓް ވިލާ ޓްރެވަލްސް އިން ބުނީ ކޮންމެ ހަފްތާއެއްގެ އަންގާރަ ދުވަހު އިންޑިއާގެ ޝެޑިއުލް ދަތުރުތައް ރާއްޖެއަށް އޮންނާނެ ކަމަށެވެ. އަދި ދަތުރުތައް ކުރުމަށް ހަމަޖެހިފައިވަނީ ޓްރެވިންޑަމުން ސީދާ ވެލާނާ އިންޓަރނޭޝަނަލް އެއަރޕޯޓަށް ކަމަށެވެ.

ޓްރެވިންޑަމުން މިދަތުރުތައް ބޭއްވި ނަމަވެސް އިންޑިއާގެ އެހެން ހިސާބުތަކަށް އެއަރ އިންޑިއާގެ ކަނެކްޓިންގެ ފްލައިޓްސްތަކުގައި ދަތުުރުތައް ކުރެވޭނެ އިންތިޒާމް ހަމަޖެހިފައިވާ ކަމަށް ވެސް ވިލާ ޓްރަވަލްސްއިން ބުނެއެވެ.

އެއަރ އިންޑިއާގެ ޝެޑިއުލް ދަތުރުތައް އަލުން ފެށި ނަމަވެސް ކޮވިޑް-19 އިން ރައްކާތެރިވުމަށް ވަނީ ޚާއްސަ ފިޔަވަޅުތަކެއް އަޅާފައެވެ.

އިންޑިއާއަށް ދަތުރުކުރަން ބޭނުންވާ ދިވެހިންނަށް ޓިކެޓް ދޫކުރާނީ އިންޑިއާ ހައިކޮމިޝަންގެ ހުއްދައާއެކުއެވެ. ދަތުރުކުރާ ކޮންމެ މީހެއްގެ އަތުގައި ވެސް 96 ގަޑިއިރު ހަމަނުވާ ކޮވިޑް-19އަށް ޓެސްޓްކޮށްފައިވާކަން އަންގައިދޭ ލިޔުމެއް އޮންނަން ޖެހެއެވެ.

އެންމެ ފަހުން އަޕްޑޭޓް ކުރީ: 4 ހަފްތާ ކުރިން
ރިވިއު ކުރީ: އަބުދުﷲ ނަސީރު އިބްރާހިމް
0%
0%
0%
0%
0%
0%
ކޮމެންޓް