މެލޭޝިއާ އަށްް އަނބުރާ ނުދެވިފައި ތިބި 50 ދިވެހި ދަރިވަރަކު އެ ޤައުމަށް ފޮނުވާދީފިއެވެ.

އޭސް ޓްރެވެލްސް އިން ޗާޓަރު ކުރި މޯލްޑިވިއަންގެ ފްލައިޓެއްގައި ހުކުރު ދުވަހު އެ ދަރިވަރުން އަނބުރާ މެލޭޝިއާcއަށް ފޮނުވާލާފައިވާއިރު، ރާއްޖެއަށް އަނބުރާ ނާދެވިފައި ތިބި ދިވެހި ދަރިވަރުން ވެސް އައުމަށް ވަނީ ހަމަޖެހިފައެވެ.

އޭސް ޓްރެވެލްސްގެ މެނޭޖިން ޑިރެކްޓަރު މުހައްމަދު ފިރާގުއާ ޙަވާލާދީ "މިހާރު" ނޫހުން ރިޕޯޓް ކޮށްފައިވާ ގޮތުން، ދަތުރު ހަމަޖައްސައި ދިނުމަށް އެދިފައިވަނީ އެ ދަރިވަރުންގެ ފަރާތުން ބަޔަކު އިސް ނަގައިގެންނެވެ. އަދި އެކަން މަގުފަހި ކޮށްދިނުމަށް ގިނަ މަސައްކަތްތަކެއް ވެސް ވަނީ ކުރެވިފައެވެ.

ކޮވިޑް-19 ފެތުރެން ފެށުމާއި ގުޅިގެން އެ ދެ ޤައުމުގެ ކޮލެޖު ޔުނިވަރސޓީތައް ބަންދުކޮށް ޤައުމު 'ލޮކްޑައުން' ކުރުމާއި ގުޅިގެން ސްރީލަންކާ އާއި މެލޭޝިއާގައި ކިޔަވަމުން އައި ދިވެހި ދަރިވަރުން އޭރު އަނބުރާ ރާއްޖެއަށް ގެނައެވެ. އެގޮތުން މި ދެޤައުމުގައި ގިނަ ޢަދަދެއްގެ ދިވެހި ދަރިވަރުން ކިޔަވަމުން އަންނަ އިރު، މީގެ ތެރެއިން ކޮވިޑް-19 އާއި ގުޅިގެން ރާއްޖެ އައީ ބައެއް ދަރިވަރުންނެވެ.