އެޖެންޑާ 19ގެ ދުވެލި މޫސުމާ ބަލާފަ ވަރަށް ރަނގަޅު: ޑރ. މައުސޫމް
15 އޯގަސްޓު 2020 | ހޮނިހިރު 13:59އެޖެންޑާ-19 ގެ މިސްރާބު ރަނގަޅު: ޑރ. މައުސޫމް
ޑރ މައުސޫމާއި، ރައީސް އިބްރާހިމް މުހައްމަދު ސޯލިހް
ސަރުކާރު މެނިފެސްޓޯ ކަމަށްވާ އެޖެންޑާ-19ގެ ދުވެލި މޫސުމާ ބަލާފަ ވަރަށް ރަނގަޅު ކަމަށް ޓުއަރިޒަމް މިނިސްޓަރ ޑރ. ޢަބްދުﷲ މަޢުޞޫމް ވިދާޅުވެއްޖެއެވެ.
ށ. ނަރުދޫއަށް ދުވާލުގެ ވަގުތުގައި ކަރަންޓުދިނުމަށް އިރުގެ ހަކަތަ ބޭނުން ކުރަން ފެށުމާއި ގުޅިގެން މިނިސްޓަރ ކުރެއްވި ޓުވީޓެއްގައި ވަނީ އެޖެންޑާ-19 ގެ މިސްރާބު ރަނގަޅު ކަމަށެވެ. އަދި އެޖެންޑާ-19 ގެ ދުވެލި މޫސުމާ ބަލާފަވެސް ވަރަށް ރަނގަޅު ކަމަށެވެ.
ދެމެހެއްޓެނިވި ގޮތެއްގައި ފެނާއި ކަރަންޓު އަގުހެޔޮ ކުރުމަކީ ސަރުކާރުގެ ޖަޒީރާ މެނިފެސްޓޯގައި ހިމެނޭ ކަމެކެވެ. އިޔާދަ ކުރަނިވި ހަކަތަ ބޭނުންކޮށްގެން ކަރަންޓުގެ އަގަށް ހެޔޮ ބަދަލެއް ގެނެސް, އިރުގެ އަވިން ކަރަންޓު އުފައްދާ މިންވަރު އިތުރު ކުރުމަކީ ރައިސުލްޖުމްހޫރިއްޔާ އިބްރާހިމް މުހައްމަދު ސޯލިހުގެ ރިޔާސީ ވައުދުފުޅެކެވެ.
