ކޮވިޑް ކޮންޓްރޯލް ކުރުމަށް ކުރަންޖެހޭ ހުރިހާ ކަމެއް ކުރެވުނު: ޑރ. އަލީ ލަތީފް
13 އޯގަސްޓު 2020 | ބުރާސްފަތި 14:19އުނދަގޫ ނިންމުންތަކެއް ނިންމަން ޖެހުނު ކަމަށް ޑރ. އަލީ ލަތީފް ވިދާޅުވި
ކޮވިޑް-19 އާއި ގުޅިގެން ލަފާ ދިނުމަށް އުފެއްދި ޓެކްނިކަލް އެޑްވައިޒަރީ ގްރޫއްޕުގެ މެންބަރު ޑރ. އަލީ ލަތީފް
ރާއްޖޭގައި ކޮވިޑް-19 ކޮންޓްރޯލް ކުރުމަށް ކުރަންޖެހެ ހުރިހާ މަސައްކަތެއް ކުރި ކަމަށާއި، އެގޮތުން މުހިންމު ހަތަރު ކަމަކަށް އިސްކަން ދެއްވައިގެން ކަންކަން ރޭވިގެން ދިޔަކަމަށް ޓެކްނިކަލް އެޑްވައިޒަރީ ގްރޫއްޕުގައި ހިމެނިވަޑައިގަންނަވާ ޑރ. އަލީ ލަތީފް ވިދާޅުވެއްޖެއެވެ.
ރައްޔިތުންގެ މަޖިލީހުގެ އިޖްތިމާއީ ކޮމިޓީގައި ވާހަކަދައްކަވަމުން ޑރ. އަލީ ލަތީފް ވިދާޅުވީ ހަތަރު ކަމެއް ކޮށްގެން، ކޮވިޑް ކޮންޓްރޯކް ކުރެވިދާނެކަމަށް މި ކަންކަމުގައި މަސައްކަތް ކުރި ކޮންމެ މީހަކަށް ވެސް އެނގޭނެ ކަމަށެވެ. އޭގެ ތެރޭގައި ހިމެނެނީ ބަލި އަވަހަށް ދެނެގަތުމާއި ޓެސްޓް ކުރުމާއެކު ކޮންޓެކްޓް ޓްރޭސިންގެ ހެދުމާއި، ކަރަންޓީން އަދި އައިސޮލޭޓް ކުރުން ކަމަށެވެ.
ޑރ. އަލީ ލަތީފް ވިދާޅުވީ ޓެގްޓީމަށް މީހުން ނަގާފައިވަނީ ކިހިނެއް ކަމެއް އެނގިވަޑައި ނުގަންނަވާ ކަމަށާއި، ނަމަވެސް އެ ޓީމުގައި ތިއްބެވި މީހުންނަކީ ރާއްޖޭގައި ސިއްހީ ދާއިރާގެ އެންމެ ފުންނާބު އުސް މީހުންތައް ކަމަށެވެ. އަދި ޓެގް ޓީމުގެ މަސައްކަތްތައް ކުރުމުގައި އެއްވެސް ކަހަލަ ނުފޫޒެއް ނެތް ކަމަށާއި މަސައްކަތް ކުރީ މިނިވަންކަމާއެކު ކަމަށެވެ.
ޑރ. އަލީ ލަތީފް ވިދާޅުވީ އާންމު ސިއްހަތަށް ގެއްލުންދޭ އެއްވެސް ކަމެއް ކޮށްފައި ނުވާނެ ކަމަށާއި، ކޮވިޑާއި ގުޅިގެން ކުރެވުނު މަސައްކަތުގައި ހިތްހަމަޖެހޭ ވަރަށް ކަންކަން ކުރެވިފައި އެބަހުރި ކަމަށެވެ.
