އިންޑިއާގެ ކުރީގެ ރައީސް ޕްރަނާބް މުކަރުޖީގެ ހާލުކޮޅު ގޯސް!

އިންޑިއާގެ ކުރީގެ ރައީސް ޕްރަނާބް މުކަރުޖީ ކޮވިޑް-19 އަށް ޕޮޒިޓިވްވެފައިވާއިރު، އެމަނިކުފާނުގެ ހާލުކޮޅު ގޯސް ކަމަށް އާރމީ ރިސާޗް ރެފަރަލް ހޮސްޕިޓަލުން ބުނެފިއެވެ.

އުމުރުން 84 އަހަރުވެފައިވާ ޕްރަނާބް މުކަރުޖީ ކޮވިޑަށް ޕްޒިޓިވްވިކަން އެމަނިކުފާނު ވަނީ ހޯމަ ދުވަހު ކަށަވަރު ކޮށްދެއްވައިފައެވެ.

ހޮސްޕިޓަލުން ބުނީ ޕްރަނާބް މުކަރުޖީގެ ސިކުނޑީގައި ލޭ ކޮޅެއް ގަނޑުވެފައިވާ ކަމަށާއި އެހެންކަމުން ހޯމަ ދުވަހު އޮޕަރޭޝަނެއް ކުރުމަށް ތައްޔާރުވަމުން އަންނަކަމަށެވެ.

ބެލެވޭ ގޮތުގައި ޕްރަނާބް މުކަރުޖީގެ ސިކުނޑީގައި ލޭ އުފެދިފައިވަނީ އެމަނިކުފާނު ފާހަނާއަށް ވެއްޓުމާއި ގުޅިގެންނެވެ.

އިންޑިއާ އަކީ ރެކޯޑް އަދަދަކަށް ކޮވިޑް-19ށް މީހުން ޕޮޒިޓިވްވަމުން އަންނަ ގައުމެކެވެ. އެގޮތުން މިދިޔަ ހަތަރު ދުވަހު އެގައުމުން ވަނީ 60،000 އަށް ވުރެ ގިނަ މީހުން ކޮންމެ ދުވަހަކު ކޮވިޑަށް ޕޮޒިޓިވްވެފައެވެ. އަދި ރިޕޯޓްތައް ދައްކާ ގޮތުން އެގައުމުގެ 10 ސްޓޭޓެއްގެ 80 އިންސައްތަ މީހުން މިހާރު ވަނީ މި ބައްޔަށް ޕޮޒިޓިވްވެފައެވެ.

އިންޑިއާ އަކީ އެމެރިކާ އަދި ބްރެޒިލްއަށް ފަހު މި ބައްޔަށް އެންމެ ގިނަ މީހުން ކޮންމެ ދުވަހަކު ޕޮޒިޓިވްވާކަމަށް ރިކޯޑްކުރާ ގައުމުވެސްމެއެވެ.