ކ. މާލެ
|
11 އޯގަސްޓް 2020 | އަންގާރަ 18:41
ފަތުރުވެރިއެއްގެ ސާމްޕަލް ނެގުމުގައި ސިއްހީ އޮފިޝަލަކު ހަރަކާތްތެރިވަނީ
ފަތުރުވެރިއެއްގެ ސާމްޕަލް ނެގުމުގައި ސިއްހީ އޮފިޝަލަކު ހަރަކާތްތެރިވަނީ
ޓޫރިޒަމް މިނިސްޓްރީ
ސަފާރީތަކުން ފުރާ މީހުންގެ ސާމްޕަލް
ސަފާރީތަކުން ފުރާ ފަތުރުވެރިންގެ ސާމްޕަލް ހުޅުމާލެއިން ނެގޭނެ ގޮތް ހަމަޖައްސައިފި
 
ބައެއް ގައުމުތަކަށް އެތެރެވުމުގެ ކުރިން ކޮވިޑް ނެގެޓިވް ޓެސްޓެއް ދައްކަން ޖެހޭ
 
މީގެ ސަބަބުން ރާއްޖެއަށް އަންނަ ފަތުރުވެރިންނަށް އިތުރު ލުއިތަކެއް ލިބިގެންދާނެ
 
އިންތިޒާމު ހަމަޖައްސާފައިވަނީ ބޯޓިން އެސޯސިއޭޝަން އާއި ޓޫރިޒަމް މިނިސްޓްރީއާ ގުޅިގެން

ސަފާރީ އުޅަނދުފަހަރުން ފުރާ ފަތުރުވެރިންގެ ޕީސީއާރް ޓެސްޓު ހެދުމަށް ހުޅުމާލޭގައި ސާމްޕަލް ނެގުމުގެ އިންތިޒާމު ހަމަޖައްސައިފިއެވެ.

ސާމްޕަލް ނެގޭނެ އިންތިޒާމް ހަމަޖައްސާފައިވަނީ ހުޅުމާލޭ ޕާކް ސަރަހައްދުގައި އެކަމަށް ހާއްސަކޮށްގެން ގާއިމްކޮށްފައިވާ ތަނަކުންނެވެ. އެކަން ހަމަޖެއްސީ، ނެޝަނަލް ބޯޓިންގ އެސޯސިއޭޝަން އޮފް މޯލްޑިވްސް (އެންބީއޭއެމް) އިން އިސްނަގައިގެން ޓޫރިޒަމް މިނިސްޓްރީއާ، ހައުސިންގ ޑިވެލޮޕްމަންޓް ކޯޕަރޭޝަން ލިމިޓެޑް (އެޗްޑީސީ) ގެ އިތުރުން ހެލްތު ޕްރޮޓެކްޝަން އެޖެންސީ (އެޗްޕީއޭ) އާ ގުޅިގެންނެވެ.

ސާމްޕަލް ނެގުން އިންތިޒާމު ހަމަޖެއްސުމަށް ފަތުރުވެރިންގެ ތަފްސީލުތައް އަށް އީމެއިލް މެދުވެރިކޮށް ނުވަތަ ފޯނު މެދުވެރިކޮށް 7970033 ކުރިއާލާ ހިއްސާކުރުމަށް ބޯޓިން އެސޯސިއޭޝަނުން ވަނީ އެދިފައެވެ. އަދި، ފަތުރުވެރިން ފުރަން ދާއިރު ޓެސްޓުގެ ނަތީޖާ ލިބޭހާ ވަގުތު ކުރިން ސާމްޕަލް ނެގުމަށް ސަމާލުކަން ދިނުމަށް ބޯޓިން އެސޯސިއޭޝަނުން ވަނީ އެދިފައެވެ.

މިކަމުގެ ސަބަބުން ރާއްޖެއަށް އަންނަން ބޭނުންވާ ފަތުރުވެރިންނަށް ބޮޑެތި ލުއިތަކެއް ލިބިގެންދާނެއެވެ. ބައެއް ގައުމުތަކުން ވަނީ އެ ގައުމުތަކަށް އެތެރެވުމުގެ ކުރިން ކޮވިޑް ނެގެޓިވް ޕީސީއާރް ޓެސްޓެއް ހުށައަޅަން މަޖުބޫރުކޮށްފައެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: އަމަން ހަލީމް
0%
100%
0%
0%
0%
0%
ކޮމެންޓް