ލ. ގަމު ތުނޑި އާއި ދިމާލުން، އަލިފާނުގެ ހާދިސާއެއް ހިނގައި އަޑިއަށްދިޔަ ވިންދު ދޯނިން ގެއްލުނު މީހާ ކަނޑުގެ 50 މީޓަރު އަޑިން މަރުވެފައި އޮއްވާ ފެނިއްޖެ އެވެ.

އެމްއެންޑީއެފް އިން ބުނީ ވިންދު ދޯނިން ގެއްލުނު މީހާ ފެނިފައިވަނީ ކޯސްޓު ގާޑުގެ ޑައިވަރުންނަށް ކަމަށާއި، އޭނާ ފެނިފައިވަނީ 5 ކަނޑުގެ 50 މީޓަރު އަޑިން ކަމަށެވެ.

ވިންދު ދޯނީގައި އަލިފާނުގެ ހާދިސާއެއް ހިނގައި އަޑިއަށްދާ ކަމުގެ މައުލޫމާތު އެމްއެންޑީއެފް އަށް ރިޕޯޓް ކޮށްފައިވަނީ ހޯމަ ދުވަހުގެ ހަވީރު 15:00 ހާއިރު ކަމަށް އެމްއެންޑީއެފްއިން ބުނެއެވެ. އަދި ދޯނިން މީހަކު ގެއްލިފައިވާ ކަމަށާއި އެއީ ބިދޭސީއެއް ކަމަށް ދޯނީގެ ކެޕްޓަންއާއި ހަވާލާދީ އެމްއެންޑީއެފް އިން ބުނެއެވެ.

ދޯނި ރޯވިއިރު ދޯނީގައި 10 މީހުންތިބި، އޭގެ ތެރެއިން ނުވަ މީހުންނަކީ ބިދޭސީންއެވެ.