ރޭޕްގެ ތުހުމަތުގައި އައްޑޫއިން ހައްޔަރު ކުރި ދެ މީހުންގެ ބަންދަށް 15 ދުވަސް
3 އޯގަސްޓު 2020 | ހޯމަ 09:53އިތުރު ބަޔަކު ހިމެނޭކަން މިހާތަނަށް ތަހުގީގަށް ފާހަގަވެފައެއްނުވޭ
އައްޑޫ ސިޓީގެ ހިތަދޫ
ރޭޕްގެ ތުހުމަތުގައި އައްޑޫއިން ހައްޔަރު ކުރެވުނު ދެ މީހުންގެ ބަންދަށް 15 ދުވަސް ޖަހައިފިއެވެ.
ފުލުހުން ބުނެފައިވަނީ މި މައްސަލައިގައި ތުހުމަތު ކުރެވޭ މީހުންގެ ބަންދަށް ކޯޓުން 15 ދުވަހުގެ މުއްދަތު ދީފައިވާ ކަމަށެވެ.
އަދި މައްސަލައިގައި އިތުރު ބަޔަކު ހިމެނޭކަން މިހާތަނަށް ތަހުގީގަށް ފާހަގަވެފައިނުވާ ކަމަށާއި މިކަމާއި ގުޅިގެން އިތުރު މީހަކު ހައްޔަރުކޮށްފައި ނުވާ ކަމަށް ވެސް ފުލުހުން ބުންޏެވެ.
ފުލުހުން އިތުރަށް ބުނީ ބުނީ އަނިޔާ ލިބުނު ފަރާތް އައްޑޫ އިކުއިޓޯރިއަލް ހޮސްޕިޓަލް އަށް ޑޮކްޓަރަށް ދައްކާފައިވާ ކަމަށާއި ސައިކޮލޮޖިކަލް އެސެސްމެންޓެއް ހެދުމަށް ފުވައްމުލަކަށް ގެންގޮސްފައިވާ ކަމަށެވެ.
ފުލުހުން ބުނީ މި މައްސަލަތައް ތަހުގީގު ކުރުމުގައި ފުލުހުން އަމަލު ކުރާ އުސޫލުތަކާއި އެއްގޮތަށް ފުރިހަމަ ކުރަންޖެހޭ ހުރިހާ ކަމެއް ވެސް ފުރިހަމަ ކުރަމުންދާ ކަމަށެވެ.
