ބ.ފަރެހުގައި ހަދާ ރިސޯޓުގެ މަސައްކަތައް ހުއްޓުމެއް ނާންނާނެ: އަވާނީ
މިއީ 70 މިލިއަން ޑޮލަރުގެ ޚަރަދު ކޮށްގެން ހަދާ ރިސޯޓެއް
ބ. ފަރެސް، ރިސޯޓެއްގެ ގޮތުގައި ތަރައްގީ ކޮށް 2021 ގައި ހުޅުވޭނެ
ފަތުރުވެރިކަމުގެ ސިނާއަތުގައި މަޝްހޫރު ކުންފުންޏެއް ކަމުގައިވާ އަވާނީ ހޮޓެލްސް އެންޑް ރިސޯޓްސް އިން ބ.ފަރެހުގައި ހަދާ 200 ކޮޓަރީގެ ރިސޯޓުގެ މަސައްކަތް ހުއްޓުމެއް ނެތި ކުރިއަށް ދާނެ ކަމަށް، އަވާނީގެ މައި ކުންފުނި ކަމުގައިވާ މައިނަރ ހޮޓެލްސްގެ ސީއީއޯ ދިލިޕް ރާޖަކަރިއަރ އާ ހަވާލާދީ ހޮޓަލިއަރ އިންޑިއާ އިން ބުނެފިއެވެ.
އެ ކުންފުނިން ބުނީ ކޮވިޑްގެ ސަބަބުން ދުނިޔޭގެ އިގްތިސާދަށް ގޮންޖެހުންތައް ކުރިމަތިވެފައި ވީ ނަމަވެސް ފަރެހުގައި ހަދާ ރިސޯޓުގެ މަސައްކަތް ކުރިއަށް ގެންގޮސް 2021 ގައި ރިސޯޓު ހުޅުވުމުގެ ޕްލޭނާ އެއްގޮތަށް މަސައްކަތް ކުރިއަށް ދާނެ ކަމުގައެވެ.
އަވާނީން މަސައްކަތް ކުރަމުންދަނީ ދުނިޔޭގެ އެކި ގައުމުތަކުގައި ކުރިއަށް އޮތް އަހަރުގެ ތެރޭގައި ފަތުރުވެރިކަމުގެ ހަތް ޕްރޮޕަޓީ ތަރައްގީކޮށް ހުޅުވުމަށެވެ.
ބ.ފަރެހުގައި އަވާނީން ހަދާ ރިސޯޓަކީ އެކުންފުނިން ރާއްޖޭގައި ހަދާ ފުރަތަމަ ރިސޯޓެވެ.
ހަތްދިހަ މިލިއަން ޑޮލަރު ޚަރަދުކޮށްގެން ބ.އަތޮޅު ފަރެހުގައި، އަވާނީ ފަރެސްގެ ނަމުގައި ރިސޯޓެއް ހެދުމުގެ މަސައްކަތް ފަށާފައިވަނީ 2011 ވަނަ އަހަރުއެވެ. އޭރު ޕްލޭން ކޮށްފައިވަނީ 2019 ވަނަ ރިސޯޓު ހުޅުވުމަށެވެ.
