ހުކުރު 07 އޯގަސްޓު 2020
10 އަހުލިހަ
1441 ޒުލްޙައްޖު 17
ފަތިސް 04:47
އިރުއަރާ 06:02
މެންދުރު 12:16
އަސްރު 15:33
އިރުއޮއްސޭ 18:22
އިޝާ 19:37
ރޭޕްކުރި މައްސަލަ

ޚާއްސަ އެހީއަށް ބޭނުންވާ އަންހެނަކު ރޭޕް ކުރި މައްސަލާގައި ދެ ޒުވާނަކު ހައްޔަރު ކޮށްފި

  • ހައްޔަރުކުރީ ކޯޓު އަމުރެއްގެ ދަށުން
  • ހައްޔަރު ކުރީ 19 އަހަރުގެ މީހަކާއި 30 އަހަރުގެ މީހެއް
  • މި މައްސަލަ ފުލުހުން ދަނީ އިތުރަށް ތަހުގީގު ކުރަމުން

ކ. މާލެ | 1 އޯގަސްޓް 2020 | ހޮނިހިރު 15:10 | 2,268

މިމައްސަލާގައި އައްޑޫ ސިޓީގައި މުޒާހަރާ ކޮށްފައިވޭ - މިހާރު

އައްޑޫ ސިޓީގައި ޚާއްސަ އެހީއަށް ބޭނުންވާ އަންހެނަކު ރޭޕްކުރި މައްސަލާގައި ދެ މީހަކު ހައްޔަރު ކޮށްފިއެވެ.

ފުލުހުން ބުނީ އައްޑޫ ސިޓީ ހިތަދޫގައި ޚާއްސަ އެހީއަށް ބޭނުންވާ 48 އަހަރުގެ އަންހެނަކު ރޭޕް ކޮށްފައިވާ މައްސަލައެއް 31 ޖުލައި 2020 ވަނަ ދުވަހުގެ ހެނދުނު ފުލުހުންނަށް ހުށަހަޅާފައިވާ ކަމަށެވެ.

ފުލުހުން ބުނީ މި މައްސަލައާ ގުޅިގެން ކޯޓު އަމުރެއްގެ ދަށުން އުމުރުން 19 އަހަރުގެ ފިރިހެނަކާއި، 30 އަހަރުގެ ފިރިހެނެއް ހައްޔަރު ކޮށްފައިވާ ކަމަށެވެ. މި ދެމީހުން ހައްޔަރު ކުރީ ހުކުރު ދުވަހުގެ ހަވީރުގެ ވަގުތުގައި ކަމަށް ފުލުހުން ބުނެއެވެ.

މި މައްސަލަ ފުލުހުން ދަނީ އިތުރަށް ތަހުގީގު ކުރަމުންނެވެ.

މިފަހަކަށް އައިސް ޖިންސީ ގޯނާގެ މައްސަލަތައް ރިޕޯޓް ކުރެވޭ މިންވަރު ވަނީ އިތުރުވެފައެވެ. އަދި ރޭޕް އާއި، ޖިންސީ އެކިއެކި ގޯނާތަކާއި ދެކޮޅަށް ސިލްސިލާ މުޒާހަރާތަކެއް މާލޭގައި ކޮށްފައިވާއިރު، އައްޑޫގެ މި ކޭސްއާ ގުޅިގެން ވެސް ވަނީ މުޒާހަރާ ކޮށްފައެވެ.

އެންމެ ފަހުން އަޕްޑޭޓް ކުރީ: 5 ދުވަަސް ކުރިން | ރިވިއު ކުރީ: ސިމާހާ ނަސީމް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.