އިކޮނަމިކް ރެސްޕޯންސްގެ ގޮތުގައި 360 މިލިއަން ރުފިޔާ ދޫކޮށްފި
ބޭންކުތަކުން ދޫކުރާ މާލީ އެހީތަކަށް އިތުރު 50 މިލިއަން ރުފިޔާ ވަނީ ހަމަޖައްސާފައި
ކޮވިޑް-19 އާއި ގުޅިގެން ރިސޯޓް މުވައްޒަފުންގެ މުސާރަ ކުޑަކުރި މައްސަލައިގައި ކުރި އިހުތިޖާޖުގެ ތެރެއިން
އިކޮނަމިކް ރެސްޕޯނސްގެ ގޮތުގައި މިހާތަނަށް 360.1 މިލިއަން ރުފިޔާ ދޫކޮށްފިއެވެ.
ފިނޭންސް މިނިސްޓްރީން އާންމުކޮށްފައިވާ ކޮވިޑް-19 އާއި ގުޅިގެން ކޮށްފައިވާ ހަރަދުތަކަށް ބަލާ އިރު، މިދިޔަ މަހުގެ 25 ވަނަ ދުވަހާ ހަމައަށް ޖުމްލަ 360.1 މިލިއަށް ރުފިޔާ ހަރަދުކޮށްފައިވާ އިރު މިއީ އޭގެ ކުރީގެ ހަފްތާއާއި އަޅާ ބަލާއިރު 18.7 އިންސައްތައިގެ އިތުރުވުމެކެވެ.
މީގެ އިތުރުން އެންސްޕާއަށް ކުރި ހަރަދު ވެސް ވަނީ 6.8 މިލިއަނަށް އިތުރުވެފައެވެ. އަދި މީގެ އިތުރުން ބޭންކުތަކުން ދޫކުރާ މާލީ އެހީތަކަށް އިތުރު 50 މިލިއަން ރުފިޔާ ވަނީ ހަމަޖައްސާފައެވެ.
މިދިޔަ މަހުގެ 25 ވަނަ ދުވަހު ކޮވިޑް-19 އާއި ގުޅިގެން އިކޮނަމިކް ރެސްޕޯންސް ގޮތުގައި 360.1 މިލިއަން ރުފިޔާ ދޫކޮށްފައިވާ އިރު މީގެ ތެރެއިން 10.1 މިލިއަން ރުފިޔާ ދޫކޮށްފައިވަނީ އިންކަމް ސަޕޯޓް އެލަވަންސް ނުވަތަ މާލީ އެހީތެރިކަން ފޯރުކޮށްދިނުމަށެވެ.
މީގެ އިތުރު ވިޔަފާރިތަކަށް އެހީތެރިވުމުގެ ގޮތުން ރިކަވަރީ ލޯން ސްކީމްގެ ދަށުން 350 މިލިއަން ރުފިޔާގެ ލޯނު ވަނީ ދޫކޮށްފައެވެ. އެގޮތުން ބީއެމްއެލް މެދުވެރިކޮށް 271 ފަރާތަކަށް 339.1 މިލިއަން ރުފިޔާ އަދި އެސްޑީއެފްސީ މެދުވެރިކޮށް 957 ފަރާތަކަށް 108.8 މިލިއަން ރުފިޔާ ވަނީ ދޫކޮށްފައެވެ.
