ބުދަ ދުވަހުގެ ޖަލްސާއަށް މިނިސްޓަރ އިމްރާން ހާޒިރުކުރަނީ
މިނިސްޓަރ މަޖިލީހަށް ހާޒިރުކުރުމަށް ހުށަހެޅުއްވީ މަކުނުދޫ ދާއިރާގެ މެމްބަރު މުހައްމަދު ރާއީ
މިނިސްޓަރ އިމްރާން މަޖިލީހުގެ ޖަލްސާއެއްގައި
ބުދަ ދުވަހުގެ ރައްޔިތުންގެ މަޖިލީހުގެ ޖަލްސާއަށް މިނިސްޓަރ އޮފް ހޯމް އެފެއާޒް އައްޝައިޚް ޢިމްރާން ޢަބްދުﷲ ހާޒިރުކުރުމަށް އެޖެންޑާކޮށްފިއެވެ.
މިނިސްޓަރ މަޖިލީހަށް ހާޒިރުކުރުމަށް ހުށަހެޅުއްވީ މަކުނުދޫ ދާއިރާގެ މެމްބަރު މުހައްމަދު ރާއީއެވެ.
މެމްބަރު މިނިސްޓަރާއި ކުރެއްވުމަށް ހުށަހަޅުއްވާފައިވާ ސުވާލަކީ ޑޮމެސްޓިކް ބަޖެޓުން 17.4 މިލިއަން ކަނޑައަޅާ، ހދ. ނޭކުރަންދޫގައި އެޅުމަށް ހަމަޖެހިފައިވާ ޖަލުގެ މަސައްކަތް ގޮސްފައިވާ ހިސާބަކީ ކޮބައިތޯއާއި މިކަމުގެ ޢަމަލީ މަސައްކަތް ފެށޭވަރުވާނީ މިއަހަރުގެ ކިހާ ހިސާބެއްގައިތޯ އެވެ.
މީގެއިތުރުން ބޭރު ޤައުމުތަކަށް ރާއްޖެއިން ސަފީރުން ކަނޑައެޅުމަށްޓަކައި، ރައީސުލްޖުމްހޫރިއްޔާ ފޮނުއްވާފައިވާ މައްސަލަ ދިރާސާކޮށް ގޮތެއް ނިންމުމަށް އެ މައްސަލައާ ގުޅޭ ދާއިމީ ކޮމިޓީއަށް ފޮނުވުން ވެސް ވަނީ އެޖެންޑާކޮށްފައެވެ.
