އިތުރު 85 މީހަކު ބަލިން ފަސޭހަވެ ރަނގަޅުވި މީހުންގެ އަދަދު ހާހަކަށްވުރެ މައްޗަށް
10 ޖޫން 2020 | ބުދަ 03:30ފަރުވާ ދެމުންދަނީ 922 މީހުންނަށް
އެންއީއޯސީގެ އާރުއާރު ޓީމުން ހަރަކާތްތެރިވަނީ؛ ރާއްޖޭގައި ބަލި ޖެހުނު މީހުންނަށްވުރެ ރަނގަޅުވި މީހުންގެ އަދަދު ވަނި މައްޗަށް އަރާފައި
ރާއްޖޭގައި ކޮވިޑް-19 ޖެހުނު މީހުންގެ ތެރެއިން އިތުރު 85 މީހަކު ބަލިން ފަސޭހަވެ، ރަނގަޅުވީ މީހުންގެ ޢަދަދު 1000ށް ވުރެ މައްޗަށް އަރައިފި އެވެ.
އަންގާރަ ދުވަހުގެރޭ ބޭއްވި ނޫސްވެރިންގެ ބައްދަލުވުމުގައި ވާހަކަ ދައްކަވަމުން ނެޝަނަލް އިމަރޖެންސީ އޮޕަރޭޝަން ސެންޓަރުގެ ތަރުޖަމާނު މަބްރޫކް އަޒީޒު ވިދާޅުވީ އަންގާރަ ދުވަހުގެ ހަވީރު 6:00އާ ހަމައަށް އިތުރު 85 މީހަކު ބަލިން ރަނގަޅުވެފައިވާ ކަމަށާއި، މިވަގުތު ފަރުވާ ދެމުންދާ މީހުންގެ ޢަދަދަކީ 922 ކަމަށެވެ.
މަބްރޫކް ވިދާޅުވީ އަންގާރަ ދުވަހު 934 ސާމްޕަލްގެ ނަތީޖާ ލިބިފައިވާ ކަމަށެވެ. އަދި އެ މަޢުލޫމާތު ސާމްޕަލް ނެގުނު ފަރާތްތަކަށް އަންގަމުން ދާ ކަމަށާއި މިހާތަނަށް 446 މީހަކަށް ސާމްޕަލްގެ ނަތީޖާ އަންގާފައިވާ ކަމަށެވެ. ނަމަވެސް 32 މީހަކު ފޯނަށް ޖަވާބު ނުދެއްވުމުގެ ސަބަބުން ސާމްޕަލްގެ ނަތީޖާ އެންގިފައި ނުވާ ކަމަށާއި، މީގެ ތެރެއިން އެއްފަރާތެއްގެ ފޯނުގެ ޚިދުމަތް ކަނޑާލާފައިވާ ކަމަށެވެ.
