މއ. ގުލްޝަންކިނާރާ ބަލާ ފާސްކޮށްފި!
މއ. ގުލްޝަންކިނާރާ ފާސްކުރީ ވޯޓަށް ނޫފުޒު ފޯރުވުމަށް ރިޝްވަތު ހުށައަޅަމުންދާކަމުގެ ތުހުމަތުގައި
ގާސިމް ހައްޔަރުކުރުމާއި ގުޅިގެން އިދިކޮޅު ފަރާތްތަކުން ވަނީ މަގުތަކަށް ނުކުމެފައި
ކޯޓް އަމުރެއްގެ ދަށުން މއ. ގުލްޝަންކިނާރާ ގެ ފުލުހުން ބަލާފާސްކޮށްފިއެވެ.
އެގެ ބަލާ ފާސްކުރުމަށް ކްރިމިނަަލް ކޯޓުން ނެރެފައިވާ އަމުރުގައި ބުނެފައިވަނީ، މއ. ގުލްޝަންކިނާރާ ގެ ބަލާ ފާސްކުރީ، ރައްޔިތުންގެ މަޖިލީހުގެ ނައިބު ރައީސް ގެ އިތުބާރުގެ މައްސަލައާއި ގުޅޭގޮތުން ނެގުމަށް ތާވަލްކޮށްފައިވާ ވޯޓަށް ނޫފުޒު ފޯރުވުމަށް ރިޝްވަތު ހުށައަޅަމުންދާކަމުގެ މަައުލޫމާތު ލިބިފައިވާތީ ކަމަށާއި، ސިޔާސީ ފަރާތްތަކުން ދިވެހިރާއްޖޭގެ ރައްޔިތުންގެ މަޖިލިސްފަދަ މިނިވަން މުއައްސަސާއަކަށް ނުފޫޒު ފޯރުވުމަށް ސިޔާސީ ފަރާތްތަކަށް ބައްދަލުކޮށް، އެފަދަ ފަރާތްތަކަށް ފައިސާ ހަވާލުކުރުމުގައި އެންމެ އިސްދައުރެއް އަދާކުރާ ފަރާތެއްގެ ގޮތުގައި، ފާހަގަ ކުރެވިފައިވަނީ، މއ. ގުލްޝަންކިނާރާ އިބްރާހިމް އަފްރާތުކަމަށް ފުލުހުންގެ އިންޓެލިޖެންސަށް ލިބިފައިވާ މައުލޫމަތަކާއި ގުޅިގެންކަމަށެެވެ.
މއ. ގުލްޝަންކިނާރާ އިބްރާހިމް އަފްރާތަަށް ފައިސާ ފޯރުކޮށްދެނީ، ސިޔާސީ ފަރާތްތަކުންކަމަށާއި، އެ ފައިސާ އެ ފާރާތްތަކާއި ހަވާލުކުރުމަށް ގުލްޝަން ކިނާރާ ގޭގައި ރައްކާކޮށްފައި ހުރިކަމުގެ މައުލޫމާތު ލިބިފައިވާތީ، މައްސަލައާއި ގުޅުން ހުރި ހެކި އަދި ގަރީނާ ހޯދައި މައްސަލައާއި ގުޅުން ހުރި ތަކެތި ފުލުހުންގެ ބެލުމުގެ ދަށަށް ގެނައުމަށް އެގެ ބަލާ ފާސްކުރުމަށް ނެރެފައިވާ އަމުރުގައި ބުނެފައިވެއެވެ.
