ކޮވިޑް-19 ޖެހުނު އިތުރު މީހަކު ނިޔާވެއްޖެ
ނިޔާވެފައިވަނީ 54 އަހަރުގެ ބަންގުލަދޭޝް މީހެއް
ކޮވިޑް-19 ޖެހިގެން ހާލުބޮޑުވާ މީހުންނަށް ފަރުވާ ދެމުން އަންނަނީ ޓްރީޓޮޕް ހޮސްޕިޓަލުގައި؛ ނިޔާވި ބަންގުލަދޭޝް މީހާ އަށް ފަރުވާ ދެމުން ދިޔައީ މި ހޮސްޕިޓަލުގައި
ކޮވިޑް-19 ޖެހުނު އިތުރު މީހަރު ނިޔާވެއްޖެ އެވެ.
ހެލްތު ޕްރޮޓެކްޝަން އޭޖެންސީ (އެޗްޕީއޭ) އިން ބުނީ ނިޔާވެފައިވަނީ އުމުރުން 54 އަހަރުގެ ބަންގުލަދޭޝް ރައްޔިތެއް ކަމަށެވެ. މިއީ، ކޮވިޑް-19 ޖެހިގެން ރާއްޖެއިން ނިޔާވި 6 ވަނަ މީހާއެވެ.
އެޗްޕީއޭއިން ބުނީ ނިޔާވެފައި ވަނީ ޓްރީޓޮޕް ހޮސްޕިޓަލުގައި ފަރުވާދެމުން ދިޔަ ބަންގުލަދޭޝްގެ ރައްޔިތެއް ކަމަށެވެ.
މިހާތަނަށް ރާއްޖޭގައި ކޮވިޑް-19 ޖެހިގެން ބަންގުލަދޭޝްގެ 3 މީހަކު މިވަނީ ނިޔާވެފަ އެވެ.
ރާއްޖޭގައި ކޮވިޑް-19 ޖެހުނު ބަންގުލަދޭޝް މީހުންގެ ޢަދަދަކީ 974 އެވެ. މިއީ ބަލި ޖެހުނު މީހުންގެ ދެބައިކުޅަ އެއްބަޔަށްވުރެ ގިނަ އަދަދެކެވެ.
