ކ. މާލެ
|
30 މެއި 2020 | ހޮނިހިރު 01:36
އާސެނަލްގެ ޑިފެންޑަރު ޑޭވިޑް ލުއިޒް: އޮގަސްޓް މަހު ލުއިޒްގެ އެއްބަސްވުން ހަމަވާނެ
އާސެނަލްގެ ޑިފެންޑަރު ޑޭވިޑް ލުއިޒް: އޮގަސްޓް މަހު ލުއިޒްގެ އެއްބަސްވުން ހަމަވާނެ
ގެޓީ އިމޭޖަސް
އާސެނަލުން ލުއިޒް ދޫކޮށްލުން
އާސެނަލުން ޑޭވިޑް ލުއިޒް ދޫކޮށްލަނީ
 
އާސެނަލުން ލުއިޒްގެ އެއްބަސްވުން އާކުރަން މަސައްކަތް ކޮށްފައެއް ނުވޭ
 
ލުއިޒް އާސެނަލަށް ބަދަލުވީ އެއް އަހަރުގެ އެއްބަސްވުމެއްގެ ދަށުން ކަމަށް ވަނީ ރިޕޯޓުކޮށްފައި

ބްރެޒިލްގެ ޑިފެންޑަރު ޑޭވިޑް ލުއިޒް ދޫކޮށްލަން އާސެނަލުން ނިންމާފައިވާ ކަމަށް ރިޕޯޓުތައް ބުނެފި އެވެ.

ޗެލްސީ ދޫކޮށް ލުއިޒް އާސެނަލްއަށް ބަދަލުވީ 8 މިލިއަން ޕައުންޑުގެ އަގަކަށް މިދިޔަ އަހަރުގެ އޮގަސްޓް މަހުގެ ތެރޭގަ އެވެ. އޭރު މީޑިއާ ތަކުން ވަނީ ލުއިޒް އާސެނަލަށް ބަދަލުވީ ދެ އަހަރުގެ އެއްބަސްވުމެއްގެ ދަށުން ކަމަށް ރިޕޯޓު ކޮށްފަ އެވެ. އެކަމަކު ދާދި ފަހުން ސްކައި ސްޕޯޓްސް އިން ވަނީ ލުއިޒް އާސެނަލާއެކު ހެދީ އެއް އަހަރުގެ އެއްބަސްވުމެއް ކަމަށް ރިޕޯޓު ކޮށްފައެވެ.

ލުއިޒްގެ އެއްބަސްވުން އާކުރަން އާސެނަލުން މިހާތަނަށް މަސައްކަތް ކޮށްފައި ނުވާއިރު، ރިޕޯޓުތައް އެއްބަސްވުން ހަމަވުމުން ލުއިޒް ދޫކޮށްލަން އާސެނަލުން ވަނީ ނިންމާފަ އެވެ. އެކަމަކު އާސެނަލްގައި މަޑުކުރަން ލުއިޒް ބޭނުންވާ ކަމަށް ރިޕޯޓުތައް ބުނެ އެވެ.

ބެންފީކާ އަށް ވެސް ކުޅުނު ލުއިޒް ވަނީ މީގެ ކުރިން ދެ ފަހަރެއްގެ މަތިން ޗެލްސީ އަށް ކުޅެފައެވެ. އަދި ވަނީ 2014 ން 2016 އަށް ޕީއެސްޖީ އަށް ވެސް ކުޅެފައެވެ. އާސެނަލަށް މިހާތަނަށް ލުއިޒް ވަނީ 32 މެޗު ކުޅެދީފަ އެވެ. އެކަމަކު އޭނާގެ ފަރާތުން މި ސީޒަނުގައި އެންމެ އެދެވޭ ކުޅުމެއް ފެނިފައެއް ނުވެ އެވެ.

ލުއިޒްގެ ކާމިޔާބީތަކަށް ބަލާލާއިރު އޭނާ ވަނީ 2016/2017 ވަނަ އަހަރުގެ ސީޒަނުގައި ޗެލްސީ އާއެކު އިނގިރޭސި ޕްރިމިއާ ލީގު ކާމިޔާބުކުރުމުގެ އިތުރުން 2011/2012 ވަނަ އަހަރުގެ ސީޒަންގެ ޔުއެފާ ޗެމްޕިއަންސް ލީގު ޗެލްސީ އާއެކު ކާމިޔާބުކޮށްފަ އެވެ. އަދި ޕީއެސްޖީ އާއެކު ފްރެންޗު ލީގު ދެ ފަހަރެއްގެ މަތިން ކާމިޔާބުކޮށްފަ އެވެ.

ބްރެޒިލް ގައުމީ ޓީމާއެކު 2013 ވަނަ އަހަރު ފީފާ ކޮންފެޑެރޭޝަންސް ކަޕް ކާމިޔާބު ކޮށްފައިވާ ލުއިޒް ވަނީ އެޓީމަށް މިހާތަނަށް 57 މެޗު ކުޅެދީފަ އެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: އަމަން ހަލީމް
0%
0%
0%
0%
0%
0%
ކޮމެންޓް