އިތުރު 10 މީހަކު ބަލިން ފަސޭހަވެ، ޖުމްލަ އަދަދު 154ށް
25 މެއި 2020 | ހޯމަ 17:17ބަލިން ފސޭހަވެފައިވާ މީހުންގެ ޖުމްލަ އަދަދަކީ 154
ކޮވިޑަށް ސާމްޕަލް ނެގުމަށް އާރްއާރް ޓީމަކުން ހަރަކާތްތެރިވަނީ
އިތުރު 10 މީހަކު ބަލިން ފަސޭހަވެ، ޖުމްލަ އަދަދު 154ށް އަރައިފި އެވެ.
ހޯމަ ދުވަހުގެރޭ ދަރުބާރުގޭގައި ގާއިމްކޮށްފައިވާ ނޭޝަނަލް އިމަރޖެންސީ އޮޕަރޭޝަން ސެންޓަރ (އެންއީއޯސީ)ގައި ބޭއްވި ނޫސްވެރިންގެ ބައްދަލުވުމުގައި ވާހަކަދައްކަވަމުން ޓާސްކް ފޯހުގެ ތަރުޖަމާން މަބްރޫކް އަޒީޒް ވިދާޅުވީ އިތުރު 10 މީހަކު ބަލިން ފަސޭހަވެފައިވާކަމަށާއި 1235 މީހަކަށް މި ވަގުތު ބޭސްކުރަމުން ދާކަމަށެވެ.
ފާއިތުވެގެން ދިޔަ ދުވަސްތަކުގައި ބަލިން ފަސޭހަވާ މީހުންގެ އަދަދު އަންނަނީ އިތުރުވަމުންނެވެ.
މިހާތަނަށް ރާއްޖެއިން 154 މީހަކު ބަލިން ރަނގަޅުވެފައިވާއިރު މީގެތެރޭގައި ގިނައީ ދިވެހިންނެވެ. އަދި މި އަދަދުގެ ތެރޭގައި ރާއްޖޭގެ ރިސޯޓްތަކުން މި ބަލި ފެނުނުއިރު ފާހަގަކުރެވުނު ބިދޭސީން ވެސް ހިމެނެ އެވެ. މިހާރު ރިކަވަރނުވެ ހުރި ކޭސްތަކުގެ ތެރޭގައި ގިނައީ މާލެ ސިޓީން ކޮމިއުނިޓީ ޓްރާންސްމިޝަން ދެނެގަނެވުނު ފަހުން ފެންމަތިވެފައިވާ ކޭސްތަކެވެ.
ރާއްޖޭގައި މީހުން ރިކަވަރވާން ނަގާ ދުވަސްތައް ހީކުރި ވަރަށްވުރެ، އިތުރު ކަމަށް އެޗްޕީއޭ އިން ވަނީ މީގެކުރިން ހާމަކޮށްފަ އެވެ. އަދި މިއީ ކީއްވެގެންކަން ދެނެގަންނަން މަސައްކަތްކުރާއިރު، ރާއްޖެއިން މިހާތަނަށް ރިކަވަރވެފައިވާ ފަރާތްތައް ބަލިން ފަސޭހަވެފައިވަނީ އެވަރެޖްކޮށް 17 ދުވަހުގެ ތެރޭގައި އެވެ.
ރާއްޖެއިން ޕޮޒިޓިވްވި މީހުންގެ އަދަދު ވަނީ 1395ށް އަރާފަ އެވެ. އޭގެ ތެރެއިން 1235 މީހުންނަށް މިހާރުވެސް ފަރުވާދެމުންދާއިރު، 4 މީހަކު ވަނީ ބަލީގައި މަރުވެފަ އެވެ.
