ޖަރުމަނުގެ ލުފްތަންސާއިން ޖޫން މަހުގެ މެދު ތެރޭގައި 20 ސަރަހައްދަކަށް ދަތުރުތައް ފަށާނެ ކަމަށް އެ އެއަރލައިނުން ބުނެފި އެވެ.
ކޮވިޑް-19 ގެ ބަލިމަޑުކަމާ ގުޅިގެން ބޮޑެތި ގެއްލުންތަކެއް އެ އެއަރލައިނަށް ވަމުން ދިޔުމާއި ގުޅިގެން ސަރުކާރުން 9.8 ބިލިއަން އެމެރިކާ ޑޮލަރުގެ ޕެކޭޖެއް ހޯދުމަށް މިހާރުވެސް އެ އެއަރލައިނުން އަންނަނީ މަޝްވަރާތައް ކުރަމުންނެވެ.
ޖޫން މަހު އަލުން ދަތުރުތައް ފަށާއިރު ދަތުރުކުރުމަށް ހަމަޖެހިފައިވާ ތަންތަނުގެ ތެރޭގައި ހިމެނެނީ މަލޯރކާ، ސިއެޓް، ރޯޑްސް ހިމެނެ އެވެ. ފްލައިޓްތައް ދަތުރުފަށާނީ މައި ތަން ކަމަށްވާ ފްރޭންކްފަޓް އިން ކަމަށް އެއަރލައިންގެ ސްޕޯކްސް ވުމަން ބުނެ އެވެ.
ދަތުރުކުރާނެ އިތުރު ތަންތަނުގެ ތަފްސީލުތައް އަންނަ ހަފުތާގައި ހާމަކުރާނެ ކަމަށްވެސް ސްޕޯކްސްވުމަން ތަރުޖަމާނު ވަނީ ބުނެފަ އެވެ.
ދަތުރުކުރާނެ އިތުރު މަންޒިލްތައް ލުފްތަންސާއިން ހާމަކޮށްފައި މިވަނީ ލޮސް އެންޖެލިސް، ޓޮރޮންޓޯ އަދި މުމްބާއީ އަށް ޖޫން މަހު ދަތުރުކުރާނެ ކަމަށް އިއުލާނު ކުރިތާ ދެ ހަފުތާގެ ތެރޭގަ އެވެ.
އެއަރލައިނަށް ކުރިމަތިވެފައިވާ މާލީ ގޮންޖެހުންތަކުން އަރައިގަތުމަށް މިހާރުއްސުރެ ވެސް ސަރުކާރާއެކު މަޝްވަރާ ކުރަމުން ދާއިރު ސަރުކާރުން ނަގާ ލޯނު ދެއްކުމަށް ހަމަޖެހިފައި ވަނީ 2023 ވަނަ އަހަރު ކަމަށް ރިޕޯޓުތައް ބުނެ އެވެ.
