މޫލީ މެދުވެރިކޮށް އާއިލާ އާއި ރައްޓެހިންނަށް ޢީދު ހަދިޔާ

އުރީދޫ މޯލްޑިވްސްގެ އީ-ކޮމާރސް ޕްލެޓްފޯރމް، މޫލީގައި "ޢީދު ހަދިޔާ" ގެ ނަމުގައި ހާއްސަ އޮފަރ އެއް އިއުލާންކޮށްފިއެވެ.

އުރީދޫން ބުނީ އީދަށް ޚާއްސަކޮށް ތައާރަފްކުރި މި އައު ކެޓެގަރީ މެދުވެރިކޮށް މާލެ އާއި ހުޅުމާލޭގައި ދިރިއުޅޭ އާއިލާ އާއި ރައްޓެހިންނަށް ޢީދު ހަދިޔާ ފޮނުވާލެވޭނެކަމަށެވެ.

ހަދިޔާތަކުގެ ތެރޭގައި، ގިނަ ބަޔެއްގެ މަގުބޫލުކަން ހޯދައިފައިވާ ދަ ސްޕޭސްގެ އާދަޔާ ޚިލާފް މީރު ރަހަތަކުން ތައްޔާރުކޮށްފައިވާ "ވެރީ ފަޖް ސްޕޭސް ބްރައުނީޒް"، "ކެރަޓް ކަޕްކޭކްސް" އަދި "ހައިބިސްކަސް ކޭކް" ގެ އިތުރުން ބްރޭންޑްލޫމް، އަލޯރާ، މަލްޑައިސް، ވީސްޓޯރ އަދި ލިންކް ސާރވް އިން ވިއްކާ ގެއަށް ބޭނުންވާ ސާމާނުގެ އިތުރުން 'ތަކެތި' ފޮތް ވެސް ހިމެނެއެވެ.

އުރީދޫން ބުނީ މޫލީ މެދުވެރިކޮށް ޢީދު ހަދިޔާ ލިބުނު ފަރާތްތަކަށް، ލަކީ ޑްރޯއެއްގައި ބައިވެރިވެ، ނަސީބުވެފަރާތަކަށް ސެމްސަންގ ގެލެކްސީ ބަޑްސް+ އެއް ހޯދުމުގެ ފުރުސަތުވެސް ހުޅުވާލާފައިވާކަމަށެވެ. ލަކީޑްރޯ ގައި ބައިވެރިވުމަށް ހަދިޔާ ލިބޭފަރާތުން މޫލީގެ ފޭސްބުކް ޕޭޖްއަށް ލައިކް ކުރައްވުމަށްފަހު، ހަދިޔާގެ ފޮޓޯއެއް EidHadhiyaa #DeliveredByMoolee# ޖައްސަވާފައި 30 މެއިގެ 23:59 ގެ ކުރިން މޫލީ ފޭސްބުކް ޕޭޖަށް ޕޯސްޓް ކުރެއްވުމުން ލަކީ ޑްރޯގައި ބައިވެރިވެވޭނެކަމަށް އުރީދޫން ބުންޏެވެ.

އުރީދޫން ބުނިގޮތުގައި މޫލީ މެދުވެރިކޮށް ޢީދު ހަދިޔާ އަށް އޯޑަރުކޮށް ހަދިޔާ ލިބޭފަރާތުގެ ދޮރާހަމައަށް އެއް ދުވަސް ތެރޭގައި ގެންގޮސްދެވޭނެއެވެ. ޢީދު ހަދިޔާ ޕެކޭޖްގައި ހިމެނިފައިވަނީ ބައްލަވާގަތް އައިޓަމްގެ އިތުރުން ޢީދު ތަހުނިޔާ ކާޑަކާއި އެކު މޫލީގެ ސްޓިކަރ އެކެވެ.

ރާއްޖޭގައި މުއާސަލާތީ ހިދުމަތް ފުޅާގޮތެއްގައި ދެމުން އަންނަ އުރީދޫން ބުނިގޮތުގައި މޫލީގެ ޕާރޓްނަރުންނާއި އެކު މޫލީ ޓީމުން މަސައްކަތްކުރަމުންދަނީ ޑެލިވަރީ ޓީމް އަދި ކަސްޓަމަރުންގެ ރައްކާތެރިކަމަށް އެންމެ އިސްކަމެއްދީގެން، އެޗް.ޕީ.އޭގެ އިރުޝާދުތަކާއި އެއްގޮތަށެވެ.