ސޫރިޔާ އާއި މިޞްރުން ފިޠުރު ޢީދު ނަމާދު ޖަމާއަތުގައި ނުކުރަން ނިންމައިފި

މިއަހަރު ފިޠުރު ޢީދު ނަމާދު ޢާންމު ބޮޑު ޖަމާޢަތުގައި ނުކުރާ ގޮތައް ސޫރިޔާ އާއި މިޞްރުގެ ސަރުކާރުން ނިންމައިފި އެވެ.

ސޫރިޔާގެ ދައުލަތުގެ ޓީވީ ސަންޢާއިން ޚަބަރު ފަތުރާގޮތުގައި، އެޤައުމުގެ ދީނީ ކަންތަތައްކާއި ބެހޭ ޤާނޫނީ އެންމެ މަތީ ކޮމިޓީން ޖަމާއަތުގައި ޢީދު ނަމާދު ނަމާދު ނުކުރަން ނިންމީ ކޮވިޑް-19 ގެ ޢާލަމީ ވަބާއިން ސަލާމްތަވުމަށް އަދި ވައިރަސް ފެތުރުން ހުއްޓުވުމަށް މަގުފަހި ކުުރުމުގެ ގޮތުން ކަމަށެވެ. އެ ކޮމިޓީން ވަނީ ޖަމާޢަތުގައި ޢީދު ނަމާދުކުރުން މަނާކުރި ކަމުގައި ވިޔަސް، ގޭގައި ޢާއިލާއާއެކު ވީހާވެސް ގިނަބަޔަކު ޢީދު ނަމާދުގެ އަޅުކަން ފުރިހަމަ ކުރަން ނަޞޭހަތްތެރި ވެފައެވެ.

ސޫރިޔާއިން މިހާތަނަށް އާއިރު 58 މީހުން ވައިރަސްއަށް ޕޮޒިޓިވްވެ 3 މީހުން ވަނީ މަރުވެފައެވެ. ވައިރަސް ކޮންޓްރޯލް ކުރުމަށް ސޫރިޔާއިން އެޅި ފިޔަވަޅުތަކުގެ ތެރޭގައި ދީނީ އެއްވުންތައް މަނާކުރުމާއި، މިސްކިތްތަކުގައި ޖަމާއަތުގައި ނަމާދުކުރުމާއި، މިސްކިތްތަކުގައި ރޭ އަޅުކަން ކުރުމާއި، ތަރާވީޙު ކުރުމާއި ރޯދަ ވީއްލުމުގެ ޙަރަކާތްތައް މަނާ ކުރުން ހިމެނެއެވެ. އަދި ރޭގަނޑުގެ 07:30 ގެ ފަހުން އެޤައުމުގެ ހުރިހައި ކަންކޮޅެއްގައި ކާފިއުގެ އަމުރު ދަނީ ހިންގަމުންނެވެ.

ސޫރިޔާގެ އިތުރުން މިޞްރުންވެސް ވަނީ ޢީދު ނަމާދު ޖަމާއަތުގައި މަނާ ކުރިކަން އިޢުލާނު ކޮށްފަ އެވެ. ވެރިރަށް ޤާހިރާގައި ހުންނަ 'އަލް-އަޒްހަރް' އިން ވެސް އީދު ނަމާދު ޖަމާއަތުގައި ނުކުރާ ގޮތައް ނިންމީ މިޞްރުގައި ކޮވިދް-19 ފެތުރުން ހުއްޓުވުމުގެ ނިޔަތުގައެވެ. ކޮވިޑް-19 ގެ ޙާލަތާއި ގުޅިގެން މިޞްރުން ވަނި މިސްކިތްތައް ބަންދުކޮށް ޢާންމު ވިޔަފާރިއާއި ދަތުރުފަތުރުތައްވެސް ހުއްޓާލާފަ އެވެ.

މިޞްރަކީ އެފްރިކާ ބައްރުގެ ޤައުމުތަކުން އެންމެ ކުރިން ވައިރަސް ފެނުނު ޤައުމެވެ. މިހާތަނަށް އާއިރު 12,764 މީހުން ވައިރަސްއަށް ޕޮޒިޓިވްވެ، 645 މީހުން ވަނީ މަރުވެ ފައެވެ.

މުސްލިމް ގިނަ ޤައުމުތަކުން ވަނީ ކޮވިޑް-19 އާއި ގުޅިގެން މިސްކިތްތައް ބަންދުކޮށް ޖަމާޢަތުގައި ނަމާދުކުރުމާއި، ތަރާވީޙު ކުރުމާއި، ގިނަ މީހުން އެއްވެ އުޅޭ ދީނީ އެހެނިހެން ޙަރަކާތްތައް ބޭއްވުން މަނާކޮށްފައެވެ.

މިއަހަރުގެ ފިޠުރު ޢީދު ޢާންމު ޖަމާޢާތުގައި ނުކުރާނެކަން އިޢުލާނުކުރި ޤައުމުތަކުގެ ތެރޭގައި ދިވެހި ރާއްޖެއާއި، ސަޢުދީ ޢަރަބއިްޔާގެ އިތުރުން އަލް-ޖަޒާއިރު ހިމެނެއެވެ.