އިތުރު 12 މީހަކު ކޮވިޑް-19 ށް ޕޮޒިޓިވްވެއްޖެ، ޖުމްލަ އަދަދު 1106ށް
18 މެއި 2020 | ހޯމަ 17:15މިހާތަނަށް ރާއްޖޭގައި ބަލި ޖެހުނު މީހުންގެ އަދަދު ވަނީ 1106 ށް އަރާފައި
މަގުމަތިން ރޭންޑަމް ސާމްޕަލް ނެގުމުގެ މަސައްކަތް ކުރަމުންދަނީ، ރޭގެ 12 އިން ފެށިގެން މިހާތަނަށް 12 މީހަކު ވަނީ ޕޮޒިޓިވްވެފައި
އިތުރު 12 މީހަކު ކޮވިޑް-19 ށް ޕޮޒިޓިވްވެއްޖެ އެވެ.
ހޯމަ ދުވަހު ނެޝަނަލް އެމަރޖެންސީ އޮޕަރޭޝަން ސެންޓަރުގައި ބޭއްވި ނޫސްވެރިންގެ ބައްދަލުވުމުގައި ވާހަކަދައްކަވަމުން އެ ސެންޓަރުގެ ތަރުޖަމާނު މަބްރޫކް އަޒީޒު ވިދާޅުވީ މިހާތަނަށް ރާއްޖޭގައި ބަލި ޖެހުނު މީހުންގެ އަދަދު 1106 ށް އަރާފައިވާ ކަމަށެވެ.
މަބްރޫކް ވިދާޅުވީ އަދީއްތަ ދުވަހުގެ ރޭ 12:00 އިން ފެށިގެން ހޯމަ ދުވަހުގެ ރޭ 10:00 އާ ހަމައަށް 12 މީހަކު ޕޮޒިޓިވްވެފައިވާ ކަމަށެވެ. ނަމަވެސް އެމީހުންގެ މައުލޫމާތެއް ހާމައެއް ނުކުރެ އެވެ.
މަބްރޫކް ވިދާޅުވީ މިހާރު ފަރުވާ ދެމުންދަނީ 1026 މީހުންނަށް ކަމަށާއި، މިހާތަނަށް ނަގާފައިވާ 322 ސާމްޕަލްއެއް ޕެންޑިންގައި އެބަހުރި ކަމަށެވެ. 4 މީހަކު މިހާތަނަށް ރާއްޖެއިން ވަނީ ނިޔާވެފަ އެވެ.
އައިސޮލޭޝަންގައި މިވަގުތު 995 މީހަކު ތިބި އިރު 1509 މީހުން ކަރަންޓީންގައި އެބަތިއްބެވެ. މިހާތަނަށް ރާއްޖެއިން 74 މީހަކު ވަނީ ރަނގަޅުވެފަ އެވެ.
