ސްޓޭޓް ޓްރޭޑިންގ އޯގަނައިޒޭޝަން (އެސްޓީއޯ) އިން ފިޔާ އަދި ބިހުގެ އަގު ހެޔޮކޮށްފި އެވެ.
އެސްޓީއޯ އިން ވަނީ ފިޔާ ބަސްތާއެއްގެ އަގު 175 ރުފިޔާއަށް ތިރިކޮށްފަ އެވެ. ބިސް ކޭހެއްގެ އަގުވަނީ 240 ރުފިޔާއަށް ތިރިކޮށްފަ އެވެ.
ކުރިން އެސްޓީއޯ އިން ފިޔާ ބަސްތާއެއް ވިއްކީ 255 ރުފިޔާ އަށެވެ. އަދި ބިސް ކޭހެއް ވިއްކަމުން އައީ 260 ރުފިޔާއަށެވެ.
އެސްޓީއޯ އިން ބުނީ އީސްޓޯރ އިން އޯޑަރު ދިނުމަށް ފަހު ފުލުހުންގެ ވިޔަފާރި ހުއްދަ އޮތް ފަރާތްތަކަށް އިންޑަސްޓްރިއަލް ވިލެޖުގައި ހުންނަ އެސްޓީއޯގެ ޕެރިޝަބަލް ވެއަރހައުސް އަށް ދިޔުމުން އެތަކެތި ލިބޭނެ އިންތިޒާމު ހަމަޖެހިފައިވާ ކަމަށެވެ. އެގޮތުން ހުކުރު ދުވަސް ފިޔަވައި ކޮންމެ ދުވަހެއްގެ 11:00ން 15:00ށް ތަކެތި ދޫކުރުމަށް ހަމަޖެހިފައިވާ ކަމަށް އެސްޓީއޯ އިން ބުނެއެވެ.
އެސްޓީއޯއިން މިހާރުވެސް ދެލިވަރީގެ ޚިދުމަތް ދެމުން އަންނަ އިރު، އެތާނގެ ޑެލިވަރީ ނަންބަރު 7291123 އަދި 7291125 ގުޅާލުމުން މި ޚިދުމަތް ވެސް ލިބޭނެ އިންތިޒާމު ހަމަޖެހިގެން ދާނެކަމަށް އެސްޓީއޯއިން ބުނެއެވެ.
