ޅ. އަތޮޅުން އައްޑު ސިޓީއަށް ނެރުނު ޔެލޯއެލާޓްގެ ވަގުތު އިތުރުކޮށްފި
މި ސަރަހައްދަށް ބޯކޮށް ވާރޭވެހުމާއެކު ގުގުރުން އެކަށީގެންވާ
މިހާރު ކުރަމުންދާ ވިއްސާރައިގައި މާލޭގެ ހުޅަނގު ފަރާތަށް އުދަ އަރާފައި
ޅ. އަތޮޅުން އައްޑު ސިޓީއަށް ނެރުނު ޔެލޯއެލާޓްގެ ވަގުތު އިތުރުކޮށްފިއެވެ.
މޫސުމާބެހޭ ގައުމީ އިދާރާއިން ބުނީ މި ސަރަހައްދަށް ބޯކޮށް ވާރޭވެހުމާއެކު ގުގުރުން އެކަށީގެންވާ ކަމަށެވެ. އަދި ވައިޖެހޭނީ 25 މޭލާއި 30 މޭލާ ދެމެދުގެ ބާރު މިނެއްގައި ކަމަށާއި، ވިލާގަނޑުގައި ގަޑުއަކު 55 މޭލަށް ވައިގަދަވާނެ ކަމަށް ލަފާކޮށްފައިވާ ކަމަށެވެ.
މި ސަރަހައްދަށް ޔެލޯއެލަރޓް ނެރިފައިވަނީ އަދީއްތަ ދުވަހުގެ ދަންވަރު 2:00 ން ހޯމަ ދުވަހުގެ ހެނދުނު 6:00 އަށެވެ. އާދީއްތަ ދުވަހުގެ އިރާކޮޅުވެސް މި ސަރަހައްދަށް މުސުމާ ބެހޭ ގައުމީ އިދާރާއިން ޔެލޯ އެލަރޓް ނެރިފައިވެއެވެ. ނަމަވެސް އާދީއްތަ ދުވަހުގެ ދަންވަރު 2:00 އާ ހަމައަށް އެ އެލަރޓްގެ މުއްދަތު ހަމަވެސް ދެވަނަ ފަހަރަށް ވަނީ އެލަރޓް ނެރެފައެވެ.
މޫސުމާބެހޭ ގައުމީ އިދާރާއިން ބުނީ ރާއްޖޭގެ އެކިހިސާބަށް ވިއްސާރަކުރާނެ ކަމަށާއި، ބައެއް ރަށްތަކަށް ގުގުރާ، ގަދަވަޔާއެކު ބޯކޮށް ވާރޭވެހެނޭ ކަމަށް ލަފާކުރެވޭ ކަމަށެވެ. މީގެ އިތުރުން ހުޅަނގާއި ހުޅަނގުއުތުރުން ގަޑިއަކު 15 މޭލާއި 25 މޭލާ ދެމެދުގެ ބާރުމިނުގައި ވައި ޖެހޭނެ ކަމަށާއި، ވިލާގަނޑުގައި ގަޑިއަކު 45 މޭލާއި 55 މޭލާ ދެމެދުގެ ބާރުމިނަކަށް ވައިގަދަވުން އެކަށީގެންވާ ކަމަށެވެ.
މީގެއިތުރުން ރާއްޖޭގެ ކަނޑުތައް ގަދަ ވާނެ އަދި ވިލާގަނޑުގައި އިތުރަށް ގަދަވެގެންދާނެ ކަމަށެވެ. މޫސުމާބެހޭ ގައުމީ އިދާރާއިން ވަނީ ދަތުރުފަތުރު ކުރުމުގައި ސަމާލުވުމަށް އިލްތިމާސްކޮށްފައެވެ. އަދި ދިޔަވަރު ބޮޑުވާ ގަޑިތަކުގައި ބައެއް ރަށްތަކަށް އުދައިގެ އަސަރު ކުރުމަކީ އެކަށީގެންވާ ކަމެއް ކަމަށާއި، ބޯކޮށް ވާރޭވެހި ވައިގަދަވެ ކަނޑުތައް ގަދަވާނެ ކަމަށް ލަފާކުރެވޭތީ އާންމުކޮށް ހުރިހާ ފަރާތްތަކުން މޫސުމަށް ސަމާލުވުމަށް މެޓް އޮފީހުން ވަނީ އެދިފައެވެ.
