ގައުމުން ބޭރުގައި ތިބި ލުބްނާންގެ ރައްޔިތުން ގައުމަށް އަންނަން ފެށުމާއެކު ކޮވިޑް-19 ފެތުރެނީ!
16 މެއި 2020 | ހޮނިހިރު 22:27ލުބްނާންގެ ރައްޔިތުން ގެނައުމުގެ މަސައްކަތް ވަނީ ފަށާފައި
ބެއިރޫތް އެއާޕޯޓު ކައިރީގައި ލުބްނާން ރައްޔިތުންތަކެއް މަޑުކޮށްލައިގެން
ގައުމުން ބޭރުގައި ތިބި ލުބްނާންގެ ރައްޔިތުން ގައުމަށް އަންނަން ފެށުމާއެކު ކޮވިޑް-19ގެ އައު ކަލަސްޓަރތައް ފެންނަން ފަށައިފި އެވެ.
ލުބްނާންގެ ސަރުކާރުން ހާމަކޮށްފައިވާ ގޮތުގައި، އެހެނިހެން ގައުމުތަކުގައި ދިރިއުޅޭ ލުބްނާންގެ ރައްޔިތުން ގެނައުމުގެ މަސައްކަތް ކުރަމުންދާ އިރު, ޕްލައިޓްތަކުން އަންނަ ބައެއް މީހުންގެ ފަރާތުން ކޮވިޑް-19ގެ އައު ކޭސްތައް ފެންނަމުންދާ ކަމަށެވެ.
ލުބްނާންގެ ބެއިރޫތް އެއާޕޯޓު ޖޫން މަހުގެ 08 ވަނަ ދުވަހުގެ ނިޔަލަށް ކޮމާޝަލް ފްލައިޓްތައް ބަންދު ކޮށްފައިވީ ނަމަވެސް ލުބްނާންގެ ރައްޔިތުން ގައުމަށް ގެނައުމަށް ޚާއްސަ ދަތުރުތަކެއް ދަނީ ކުރަމުންނެވެ.
ލުބްނާންގައި ކޮވިޑް-19 ވަރަށް ބޮޑަށް ކޮންޓްރޯލްވެފައިވާތީ، ސަރުކާރުން ވަނީ އަޅާފައިވާ ފިޔަވަޅުތަކަށް ވަނީ ވަރަށް ބޮޑެތި ލުއިތަކެއް ދީފައެވެ. ނަމަވެސް ކޭސްތައް ކުއްލިއަކަށް އިތުވާން ފެށުމުން މިހާރު ވަނީ ހަތަރު ދުވަހުގެ ލޮކްޑައުންއަށް ގޮސްފަ އެވެ.
