މައިލޯ ކޭކަކީ ގޭގައިހުރި ތަކެތިން ފަސޭހައިން ހަދާލެވޭނެ މީރު ޑިޒާޓެކެވެ.

އެންމެ ފުރަތަމަ ބަޓަރާއި ހަކުރު ހޭންޑް މިކްސަރަކުން ގަށާލާށެވެ. ދެން ފަހަރަކު ބިހެއް އެއްކުރަމުން ދާށެވެ. ބިސްތައް އެއްވުމުން މައިލޯ އަޅާފައި އެއްކޮށްލާށެވެ.

ވަކިން ތައްޓެއްގައި ފުށާއި ބޭކިންގ ޕައުޑަރު އެއްކޮށްލާފައި ބަހައްޓާށެވެ. ކޭކު ފުށްގަނޑުތެރެޔަށް ފުށް އަދި ކިރު ބައިބަޔަށް އަޅަމުން އެއްކުރަމުންދާށެވެ.

ދެން ޓްރޭއަކަށް އަޅާލުމަށް ފަހު 35 - 40 މިނެޓް ވަންދެން 180 ޑިގްރީ ސެލްސިއެސްގައި ފިހެލާށެވެ.

ކޭކު ފިހެވޭ ގަޑިގައި އައިސިންގ ތައްޔާރުކޮށްލުމަށް ބަޓަރުކޮޅު ގަށާލާށެވެ. ދެން އައިސިންގ ހަކުރުގެ އެއްބައި އަޅާފައި ގިރާލާށެވެ. އެއަށްފަހު ގެރިކިރުދަޅު އަޅައި، ގަށާލާށެވެ. ދެން ބާކީ ހުރި ހަކުރުކޮޅު އެއްކޮށްލާ، ވެނީލާ އެސެންސްފޮދު އެއްކޮށްލާށެވެ.

ކޭކު ފިހެވުމުން ބޭނުމިއްޔާ 3 ލޭޔަރަށް ކަފާލާފައި، ވަކިން އެއްކުރި މައިލޯ އަދި ކިރު މިކްސްޗަރު ފަހަރަކު ފަށަލައެއްގެ މައްޗަށް އަޅައި، ފޯކޮށްލާށެވެ.

ދެން ފަހަރަކު ފަށަލައެއްގައި އައިސިންގ އުނގުޅުމަށް ފަހު، މަތިމައްޗަށް އަތުރާލާށެވެ.

އެއަށްފަހު ކޭކު ވަށާ އައިސިންގ ޖަހައި، ބޭނުމިއްޔާ މައްޗަށް ހިކި މައިލޯ ކޮޅެއް ބުރުވާލާފައި ފިނިކުރާށެވެ.