ސަމާލުވޭ! ޑޮކްޓަރުންގެ ފޯނުތައް ހެކްކުރަނީ
އެއްވެސް ފަރާތެއްގެ ފޯނަށް ޝައްކުވާޒާތުގެ ލިންކެއް މެސެޖްކޮށްފައިވާނަމަ އެ ލިންކް ނުހުޅުވުމަށް ވަނީ އެދިފައި
ޑޮކްޓަރުންތަކެއް: ވަޓްސްއެޕް މެދުވެރިކޮށް ފޯނު ހެކްކުރުމުގެ މަސައްކަތް ދަނީ ކުރަމުން
ކޮވިޑް-19 އާ ގުޅިގެން ރާއްޖޭގައި ފްރޮންޓްލައިންގައި މަސައްކަތް ކުރާ ޑޮކްޓަރުންނަށް އަމާޒުކޮށްގެން ސައިބަރ އެޓޭކް ކުރަމުންދާ ކަމަށް ފުލުހުން ބުނެފި އެވެ.
ފުލުހުން ބުނީ ފްރޮންޓްލައިންގައި މަސައްކަތް ކުރާ ޑޮކްޓަރުންނަށް އަމާޒުކޮށްގެން ބުރާސްފަތި ދުވަހުގެ ރޭ ސައިބަރ އެޓޭކްތަކެއް ދީފައިވާ ކަމަށެވެ. އެގޮތުން ވަޓްސްއެޕް މެދުވެރިކޮށް ކޮންޓެކްޓެއްގެ ނަމުގައި މެސެޖްކޮށް، ނުވަތަ ކޮންޓެކްޓެއްގެ ނަމުގައި ފޯންކޮށްގެން ކޯޑް ހޯދާ ފޯންތައް ހެކްކުރަމުންދާ ކަމަށް ފުލުހުން ބުންޏެވެ.
ދަންނަ މީހެއްގެ ނަމުގައި މި ފޮނުވާ ކޯޑުތަކަކީ ޑުޕްލިކޭޓް ކޮށްފައި ހުންނަ ޕްރޮފައިލް ތަކަކުން ފޮނުވާ ސައިބަރ އެޓޭކްތަކެއް ކަމަށް ފުލުހުން މައުލޫމާތު ދެ އެވެ. އެއްވެސް ފަރާތެއްގެ ފޯނަށް ޝައްކުވާޒާތުގެ ލިންކެއް މެސެޖްކޮށްފައިވާނަމަ އެ ލިންކް ނުހުޅުވުމާއި އަދި ދަންނަ ކޮންޓެކްޓެއްގެ ފަރާތުންވެސް އަންނަ މެސެޖެއްގައި އޮންނަ ކޯޑް އެއްވެސް މީހަކަށް ނުދިނުމަށް ފުލުހުން ވަނީ އިލްތިމާސްކޮށްފަ އެވެ.
