އެޗްޕީއޭގެ ޓީމުތަކުން އަންނަނީ މި މަސައްކަތްކުރަމުން
ހުޅުމާލެ ލޮކްޑައުންކޮށްފައި: އަލުން ހުޅުވާލާއިރު ސަމާލުވާންޖެހޭ ގިނަ ކަންކަން އެބަހުރި
ލޮކްޑައުން އަށް ފަހު ''ނިއު ނޯމަލް'' ގައި އަމަލު ކުރާނެ ގޮތުގެ އުސޫލެއް އެކުލަވާލުމުގެ މަސައްކަތް ކުރަމުންދާ ކަން ހާމަކޮށްފި އެވެ.
ހޯމަ ދުވަހުގެރޭ ނެޝަނަލް އިމަރޖެންީ އޮޕަރޭޝަން ސެންޓަރ އެންއީއޯސީ ގައި ބޭއްވި ނޫސްވެރިންގެ ބައްދަލުވުމުގައި އެޗްޕީއޭގެ އެޕެޑެމިއޮލޮޖިސްޓް ޑރ. އިބްރާހިމް އަފްޒަލް ވިދާޅުވީ، ނިއު ނޯމަލް ގައި ރާއްޖެ ހުޅުވާލާއިރު އާއްމުންނާއި މުއައްސަސާތަކުން އަމަލުކުރާނެ ގޮތުގެ ގައިޑްލައިނެއް އެކުލަވާލުމުގެ މަސައްކަތް ކުރިޔަށްދާ ކަމަށެވެ. އުސޫލު ތައްޔާރުވުމުން އެ މައުލޫމާތު މީޑިއާތަކާ ހިއްސާކުރައްވާނެ ކަމަށް ވިދާޅުވި އެވެ.
ރައީސް އޮފީހުގެ އަންޑަރ ސެކެރެޓަރީ މުހައްމަދު މަބްރޫކް އަޒީޒް ވިދާޅުވީ، ނިއު ނޯމަލްއަކަށް ދާނީ ފޭސްތަކަކަށް ބަހާލައިގެން ކަމަށާއި، އޭގެ ތެރޭގައި ހިމެނޭ ކަންތައްތައް ލިޔެ ޑްރާފްޓް ކުރުމުގެ މަސައްކަތް މިހާރު ކުރަމުންދާ ކަމަށެވެ.
ދުނިޔޭގެ ގިނަ ގައުމުތަކުން ލޮކްޑައުން އުވާލަނީ ފިޔަވަހިތަކަކަށް ބަހާލައިގެންނެވެ. އެގޮތުން ގިނަ ގައުމުތަކުގައި އެންމެ ފުރަތަމަ ހުޅުވާލަނީ އަސާސީ ބައެއް ހިދުމަތްތައް ފޯރުކޮށްދޭ ވިޔަފާރިތަކެވެ. އަދި މިހެން ހުޅުވާލާއިރުވެސް، އިޖުތިމާއި ގައިދުރުކަން ބެހެއްޓުމާއި އާންމު ތަންތަނުގައި އުޅޭއިރު ފޭސް މާސްކު އެޅުމަށް ވަނީ އަންގާފަ އެވެ.
