އައިޖީއެމްއެޗުން ނަރުހުން ހޯދަން އިއުލާނު ކޮށްފި
11 މެއި 2020 | ހޯމަ 10:3635 ނަރުހުން ހޯދަން އިއުލާން ކޮށްފައިވޭ
އައިޖީއެމްއެޗްގެ ނަރުހުން، ކޮވިޑް-19ގެ މިހާލަތުގައި ގިނަ ސިއްހީ ޚިދުމަތްތެރިން ބޭނުންވޭ
ރެޖިސްޓަރޑް ނަރުހުންގެ ގޮތުގައި ކޮންޓްރެކްޓް އުޞޫލުން މަސައްކަތް ކުރާނެ ފަރާތްތައް ހޯދުމަށް އިންދިރާ ގާންދީ މެމޯރިއަލް ހޮސްޕިޓަލް (އައިޖީއެމްއެޗް) އިން އިޢުލާނު ކޮށްފިއެވެ.
އައިޖީއެމްއެޗުން ބުނީ ކޮންޓްރެކްޓް އުޞޫލުން މަސައްކަތް ކުރާނެ 35 ނަރުހުން ހޯދަން ބޭނުންވާ ކަމަށާއި، މި ނަރުހުން ހޯދަނީ ތިން މަސް ދުވަހަށް ކަމަށެވެ.
މުސާރަ މަހަކު -/9060 ރުފިޔާ ލިބޭއިރު، ސަރވިސް އެލަވަންސް 188 ރުފިޔާ (ކަނޑައަޅާފައިވާ އުޞޫލާ އެއްގޮތަށް) ލިބޭނެއެވެ. އަދި އިތުރުގަޑީގައި މަސައްކަތްކުރާ ނަމަ ހަމަޖެހިފައިވާ އުޞޫލާއި އެއްގޮތަށް އިތުރުގަޑީގެ ފައިސާ ދެވޭނެ ކަމަށް އިޢުލާނުގައި ވެއެވެ.
މަޤާމުގެ ޝަރުޠުތަކުގެ ގޮތުގައި އައިޖީއެމްއެޗުން ހަމަޖައްސާފައިވަނީ، ނަރސިންގެ ރޮނގަކުން ދިވެހިރާއްޖޭގެ ޤައުމީ ސަނަދުތަކުގެ އޮނިގަނޑުގެ ލެވެލް 5 ނުވަތަ 6 ގެ ސަނަދެއް އޮތުމެވެ.
އައިޖީއެމްއެޗުން ބުނީ މި މަޤާމަށް ޝައުޤުވެރިވާ ފަރާތްތަކުން ސިޓީއަކުން މެއި މަހުގެ 19 ވާ އަންގާރަ ދުވަހުގެ 13:00ގެ ކުރިން recruitment.local@igmh.gov.mv ށް ހުށަހެޅަންޖެހޭ ކަމަށެވެ.
އައިޖީއެމްއެޗުން ނަރުހުން ހޯދަން އިޢުލާނު ކޮށްފައި މިވަނީ ކޮވިޑް-19ގެ މިދަނޑިވަޅުގައި ގިނަ ޞިއްޙީ ޚިދުމަތްތެރިން ބޭނުންވާކަން ސަރުކާރުން ހާމަކޮށްފައިވަނި ކޮށްނެވެ.
