ވައިޓް ޗޮކްލެޓް މެންގޯ މޫސް ކޭކް

މި ރެސިޕީގައި ދޮން އަނބު ބޭނުން ކުރާތީ ވަރަށް ފޮނިފޮނި މީރު ރަހައެއް ލާނެއެވެ.

އެންމެ ފުރަތަމަ ކޭކު ފުށްގަނޑު ގިރާލުމުގެ ކުރިން އަވަން 350 ޑިގްރީސް ސެލްސިއަސް އަށް ޖައްސާށެވެ. ފުށް، ބޭކިންގ ޕައުޑަރ އަދި ލޮނު ވަކިން ތައްޓެއްގައި އެއްކޮށްލާފައި ބަހައްޓާށެވެ. ދެން ހޭންޑް މިކްސަރަކުން ބަޓަރާއި ހަކުރު، ރަނގަޅަށް އެއްވަންދެން ގިރާލާށެވެ.

އެއަށްފަހު ފަހަރަކު ބިހެއް، އެއްވަންދެން އަޅަމުން ދާށެވެ. ދެން ވެނީލާ އެސެންސް އަޅާފައި ފުށް އެއްކޮށްލާށެވެ. ރަނގަޅަށް އެއްވުމުން ޓްރޭއަކަށް ލާފައި 30 މިނެޓް ފިހެލާށެވެ.

މޫސް ތައްޔާރުކޮށްލުމަށް ވިޕިންގް ކްރީމްކޮޅު ހޫނުކޮށްލާށެވެ. ހޫނުކޮށްފައި ވައިޓް ޗޮކްލެޓް ކުދިކޮށްލާފައި ކްރީމްކޮޅާ އެއްކޮށްލައި ދިޔާވަންދެން މިކްސްކޮށްލާ، ވެނީލާކޮޅު އެއްކޮށްލާށެވެ. ދެން 15 މިނެޓް ފިނިކޮށްލާފައި ޕިއުރީކުރި ދޮން އަނބު އަޅާފައި ގިރާލާށެވެ.

ކޭކު ފިހެވުމުން ފިނިވަންދެން ބަހައްޓާފައި ޓްރޭއިން ވަކިކޮށް މައްޗަށް މޫސް އަޅާފައި ފިނިކުރަން ލާށެވެ.